Connect with us

Lokal

No por deskonta Penshun di Behes durante periodo ku ‘uitgezonden kracht’ a traha na Kòrsou sin ku a paga su prima di AOW

Published

on

WILLEMSTAD. Penshun di Behes ta un asuntu sagrado den e historia relativamente di Kòrsou despues ku nos pais a bira Outónomo i Partido Demo-craat a introdusi Penshun di Behes.

E promé Penshun di Behes tabata 60 florin pa luna te ku gradualmente ela subi bira 865 florin pa luna!
E ta un komponente indispensabel den gastunan di famia di un luna.
Na mesun tempu pa por kobra e penshun sin deskuento, e doño di trabou tin ku aportá su parti tur luna i si por ehempel un persona no ta na Kòrsou i no por paga i su doño di trabou tampoko por paga prima, ta deskontá un porsentahe for di e Penshun di Behes tur luna.
Un strañero ku bin traha 5 aña na Kòrsou komo ‘uitgezonden kracht’ tin ku paga prima meskos ku un trahadó lokal i si no paga e prima, SVB ta apliká un deskuento.
E siguiente kaso ta interesante pasobra ta trata di un ulandes europeo ku a traha na Kòrsou for di mart 2001 te ku desember 2006 pa un empresa ulandes.
Pa motibu di su ousensia for di Ulanda, e no a kontribui na su penshun di behes ulandes pero e homber no tabata di akuerdo ku e regla aki i no por kobra su full penshun na Ulanda.
E ulandes a kuminsa dia promé di mart 2001 i komo Manager Personeel i Organisatie Caribbean.
Dia 15 di mart 2001 e kompania a mandé Kòrsou pa sinku aña.
Durante su trabou na Kòrsou no a paga su prima di Penshun di Behes na Ulanda pero pa tapa e buraku aki e kompania a sera un seguro di penshun pe serka Zwitserleven.
Trahando na Kòrsou e ehekutivo a forma un fondo di penshun di behes pagadero dia e hasi 65 aña.
E ehekutivo a paga parti dje prima te dia ela retorna Ulanda 15 di mart 2006 i a bai traha pa un otro empresa.
Edat di kobra penshun di Behes a subi gradualmente for di 2013 i na aña 2027 e por kobra Penshun di Behes na Ulanda.
Via ku e tabata sigurá durante 5 aña na Zwitserleven SVB a apliká un deskuento di € 12.792,- netto.
E problema ta ku su doño di trabou a para e seguro na SVB i a sigur’é na Zwitserleven ku no ta paga mes tantu penshun ku SVB.
E kompania no informe ku dje manera aki e ta kobra un penshun basiko muchu mas abou ku esun di SVB.
E kompania no a kumpli ku su promesa i nan a paga e prima na Zwitserleven pagadero € 16.835,- entrante yanuari 2019.
Pero ta e ehekutivo mes mester a re-sigura su mes na SVB.
E ehekutivo tabata konsiente ku durante su estadia na Kòrsou e tabata sigurá serka Aegon i Zwitserleven pa su penshun i no serka SVB.
Pa su mala suerte e loke e ehekutivo ta reklama a kaduká pero ni asina e ehekutivo no a bai atras pasobra su kalkulashon no ta kuadra pasobra e lo baha ku penshun ku 67 aña i no 65 aña manera ela pensa.
Por lo tantu ela pèrdè e kaso.

Continue Reading

Lokal

‘’Awor ora bo studia bo ta bira persona non-grata !’’

Published

on

By

Jamil Lasten

Jamil Lasten: No ta bèrdat ku direktornan ta sinbèrguensa i ladron..

WILLEMSTAD – Te ku awe a krea un persepshon ku ta biba eifo i ku a presenta na Hulanda, ku no ta kuadra ku realidat, relashoná ku altura dje salario di direktornan di N.v. nan di gobièrnu. Enbes ku e persepshon aki a boltu, por ripara ku e ta birando pio. Jamil Lasten, direktor di Curiol a bisa awe mainta den parlamento: ‘’E persepshon ku ta biba tur kaminda, ta ku ta gastamentu di plaka tin den e N.v. nan di gobièrnu. Ku e direktornan ta gana bòshi di plaka, nan ta un sèt di sinberguensa i ladron’’. Segun Jamil Lasten, ultimamente ta hasta pone gruponan kontra di otro i bisa ku ta pasobra e direktornan ta stroba, un kantidat di hende no por haña alivio.
E persepshon robes aki ta e base di e lei di maksimisashon, segun Lasten, ta pesei e direktornan a bai duna Parlamento e presentashon awe. ‘’Nos tei awe ku un sentimentu miksto ku di un banda ta hopi ferfelu ku a yega asina leu, ku mester diskuti un tema manera esaki.
Pero di e otro un banda nos ta hopi orguyoso ku nos sistema ta funshoná’’. E direktor di N.v. nan ta agradesido ku Parlamento a Brinda nan e oportunida aki pa duna informashon riba e topiko.
Nan a traha un positon paper ku nan a manda pa minister i parlamento. Nan a prepara un presentashon basá riba e position paper ku ela traha.
Den su presentashon, Jamil Lasten a trese su propio historia dilanti, kon komo un mucha di famia humilde a studia i traha duru pa hasi su karera. Lasten ta menshoná ku mester konekta su historia ku e realidat aktual ku nos ta bibando awendia. Kaminda un grupo a krea un persepshon robes di un persona of di un grupo di persona.
Jamil Lasten i su otro koleganan profeshonal ta eksperensia tur dia ku ta saka mentira , bisa ku e ta gana 80 mil florin pa luna, lastre tur manera . ‘’Mi salario i mi sa ku e ta konta pa mayoria dje direktornan di N.v. di gobièrnu, kende ta bati i zundra nan, ta kumpli ku e asina yamá ‘’ Jardim-norm’’, di e eks kabinete Rhuggenaath,. A pasa e norma aki na 2016, pero nunka no a publiké.
E loke ku ta pasando aki ta muchu mas leu ku un simpel maksimalisashon di salario. E ta algu ku parlamento mester tene kuenta kune, tambe pa e hopi profeshonalnan ku ta studia hopi aña i traha duru pa yega kaminda ku nan.
E profeshonalnan ta di akuerdo pa introdusí un lei di maksimalisashon di salario, pero e mester tuma luga na un manera transparente i hustu. Manera a hinka e lei den otro aworaki, e no ta hustu, Jamil Lasten a bisa. E ta un lei diskriminatorio i ta laga sierto gruponan afo i banda di esei e no ta basá riba un kalkulashon korekto.

 

Continue Reading

Lokal

Komishon húridiko lo investigá asuntu 27 ora di trabou pa dosentenan

Published

on

By

Sithree van Heydoorn

WILLEMSTAD – Minister di ensenansa, Sithree van Heydoorn a priminti sindikato DOEN ku e intenshon ta pa lanta un komishon di posishon hurídiko ku lo konsistí di representante di e 3 sindikatonan den enseñansa, direktivanan di skol i ministerio di enseñansa.
Un kolaboradó di ministerio di enseñansa lo enkabesá/presidí e komishon. E komishon ainda no ta instalá. Den e komishon di posishon hurídiko akí lo mester trata e.o. e asuntu di 27 ora di trabou.
Sindiakto DOEN a indiká na minister ku previo na esaki DOEN ta rekomendá pa implementá e asina yamá garantie-uren beleid. Esaki mester yuda evitá ku ta paga trahadó den enseñansa avansá abase di ora i sigur si nan no yega 27 of 32 ora. Den su promé reunion general pa aña eskolar nobo , DOEN lo amplia riba e proposishon akí.
Resientemente Sindikato DOEN a reuni ku minister van Heydoorn, kaminda e sindikato a probechá di e oportunidat pa trata e tópikonan ku pa años ta pendiente sin ku te ku awe ainda algu konkreto a keda realisá, manera:
– 27 ora pa enseñansa avansá kompletu
– e loke pa mas ku 15 aña debe trahadó den enseñansa; esta dosente A pa B i B pa C
– adaptashon di V&V-stelsel
Tambe a trata algun tópiko aktual, manera:
– Rapòrt riba Huisvesting
– maneho ‘Long Covid’
– niet toereikende uren

*Dosente A pa B i B pa C!*
Riba promoshon di dosente A pa B i B pa C minister tabata hopi kòrtiku. Minister a bisa ku e no por bisa nada ainda riba esaki.
E intenshonnan t’ei pero ainda nada konkreto.
*27 ora i V&V-stelsel*
Relashoná ku V&V tambe e intenshon ta pa lanta un komishon den kua direktivanan di skol lo ta aden i ora yega na un draft lo trata esaki ku e 3 sindikatonan den enseñansa.

*Intenshon só no ta sufisiente!*
DOEN a bisa minister ku aparentemente e bon intenshonnan ku e tin so no ta sufisiente.
A pasa un aña ku nos tin gobièrnu i pues minister di enseñansa nobo pero nada konkreto no a sosodé den enseñansa.

Continue Reading

Lokal

Un dje pistoleronan ku a mata Peter de Vries detené na Kòrsou

Published

on

By

Peter de Vries

WILLEMSTAD . Di akuerdo ku vershonnan polisial ofisial ku a sirkula e fin di siman aki na Ulanda, dos dje kómplisenan ku a partisipa filmando e asesinato dje famoso periodista polisial Ulandes Peter R. de Vries, a keda arestá na Spaña i Kòrsou.
Polis a arestá e dos sospechosonan di 26 i 27 aña kendenan dia 6 di yuli tabata den Lange Leidsedwarsstraat direktamente den e kaya posiblemente filmando nan akto kriminal ku nan a distribui mesora.
E impakto riba opinion publiko tabata dramatiko.

E intenshon ta pa manda nan Ulanda mas rapido posibel.
Ta trata di e 4 i di 5 sospechoso ku polis a aresta pe asesinato riba De Vries kende tabata persona di konfiansa di testigu di korona Nabil B.
Dos korant Ulandes a konfirma e vershon ku otro sospechoso ku yama Krystian M. di 27 aña ta e terser sospechoso a keda arestá pa su komplisidat ne asesinato.
E ta esun ku tabata dirigi e sikarionan via un telefon Google Pixel-smartphone. Polis a haña e telefon den un Renault Kadjar den kual polis a arestá e pistolero Delano G. di 22 aña i e shofur Kamil E. (36) 45 minut despues dje atentado banda di Leidschendam.

FILMA INTENSHONALMENTE
Den sirkulo di servisionan si investigashon speshal nan tabatin e sospechoso fuerte ku a filma asesinato pa kouisa un shock grandi den sosiedat Ulandes.
De Vries a muri dia 15 di yuli sin rekuperá su tinu pero Ministerio Publiko no ta slèk ni un palabra.

FAMIA
DI DE VRIES
E yu homber di de Vries, Royce, ta kontentu ku manera e investigashon ta baiendo.
E ta kontentu ku tur kos ta mustra ku polis ta sinta intensamente riba e kaso pa resolvé mas pronto posibel.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login