Deporte
No a keda kontentu e forma di komuniká ku presidente di FFK: FFK a “Fire” Bertus Holkema….

Informashon ku deporte 5 Star a haña un ratu pasá ta mustra ku Federashon di Futbòl di Kòrsou lo mester a kibra relashon ku Sr. Bertus Holkema.
Sr. Bertus Holkema su funshon ku nos selekshon di Kòrsou tabata “Team Manager”.
E informashon ku 5 Star tin, ta mustra ku no a aseptá e forma ku Sr. Holkema a ekspresá su mes den direkshon di e presidente di FFK.
A yega asina leu ku FFK a gradesí Sr. Holkema.
Deporte
Segun Brian Cashman i Aaron Boone: Yankees no tin lugá aworakí pa Jasson Dominquez…

Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
Deporte
Liverpool a logra gana di Arsenal ku skor di 2-1

PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
Deporte
AS Monaco a derota Feyenoord den su kas ku skor di 3-1

MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.