Uncategorized
Na Naples: Dòkter ku a violá dos pashènt a keda haña morto na su kas
NAPLES – Michelle Batten bosero di kuerpo polisial na Naples a konfirmá ku un konosido siruhano plástiko ku mas ku 25 aña trahando komo dòkter a keda detené i laga den libertat resientemente relashoná ku violashon di dos pashènt muhé.
E promé kaso a keda registrá na luna di òktober na momentu ku un pashènt (51) a akusá dòkter Eric Andrew Salata (54) di a mand’é leu pa despues tene relashon seksual kuné.
Despues tabatin otro pashènt (71) ku tambe mester a hasi sirugia plástiko serka Dòkter Eric Andrew Salata i ku tambe a keda violá.
Michelle Batten a splika ku Dokter Eric Andrew a keda detené i ku wes Michael Provost a lage den libertat bou di un fiansa di $100 mil.
Tin informashon ku Dokter Salata tabata sosio na “Pura Vida Medical Spa” kaminda ku despues ku ela sali for di sentro di detenshon na Naples.
Segun empleadonan na “Pura Vida Medical Spa” dokter Salata a kuminsá haña yamadanan di menasa di morto.
Debí ku koleganan di Dokter Eric Andrew Salata no a tende mas di dje a disidí na yama polis pa bai wak su drechi i a bin hañe morto ku un tiru di bala den kabes.
E kaso aki ta bou di investigashon i ku posiblemente elo por a keda asesiná of ela kometé suisidio.
SKOPJE – Stefan Andonovski minister enkargá ku e kartera di Transformashon digital na Macedonia a desmentí delaster un akusashon presentá pa Tarek William Saab.
E akusashon ta relashoná ku for di Macedonia a hack sistema di CNE (Consejo Nacional Electoral) pa oposishon gana elekshon presidensial na Venezuela.
Tarek Willliam Saab ku ta un mentiroso no bon na kabes segun Stefan Andonovski ta mal informá komunidat na Venezuela i komunidat Internashonal.
Ta trata aki di akusashonnan hopi serio di parti Tarek William Saab ku a manifestá ku nan pais a partisipá den un froude elektoral na Venezuela.
Stefan Andonovski a eksigí di Tarek Saab presentá ku prueba ku piratanan sibernetikonan na Macedonia a hack e sistema di servernan di CNE (Consejo Nacional Electoral) na Venezuela.
Tarek William Saab mester splika dikon CNE a gaña ku Nicolas Maduro a logra haña 52.21 % respaldo di voto kontra Edmundo González Urrutia su 44.2%.
Kaminda e resultado real tabata kompletamente otro.
Esaki ta nifiká ku ningun di e kriminalnan ku ta forma parti di e régimen di Nicolas Maduro no ta kordiná ku otro i awor nan ta bin gaña e pueblo.
E kampeon mundial indiskutí kategoria pisá Oleksandr Usyk ta pensa di regresá e kategoria krusero despues di su kombate di dia 21 di desèmber vs Tyson Fury. Usyk i Fury lo bringa revancha dia 21 di desèmber despues ku Usyk a gana pa desishon mayoritario. Fury a hasi uso dje oportunidat den su kontrakt pa pidi revancha. Usyk ku tabata kampeon mundial indikutí krusero kaba lo ke regresá e kategoria. E tin rekòrt di 22-0, ku 14 triunfo pa via rápido. Echo ta si, ku den e kategoria krusero no tin muchu bòksdó di kalidat. Ekspertonan ta bisa ku e kategoria krusero ta laf.
Sigur ta un bon notisia pa nos selekshon di futbòl di Kòrsou bou di direkshon di Remco Bicentini ya ku “Cuco” Martina ku tabata inaktivo a haña trabou.
Manera nos amigu i kolega Calili Ruiter a komentá awe mainta “Cuco” Martina a firma ku e tim Ulandes ku ta NAC di Breda.
Ku e firma aki Kòrsou tin sigur ku “Cuco” tin aktividat i lo por kontribuí mihó ku nos onsena.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
