Deporte
Na Merka: Segun sondeo realisá 54% di hende pretu a eksperensia violensia ku arma di kandela
DETROIT – Akademikonan ku ta den fase final di nan estudio di lei na Chicago University a konfirmá ku nan realisá un sondeo huntu ku ekspertonan di The Associated Press-NORC Center for Public Affairs Research riba kasonan di violensia ku arma di kandela na Merka.
Resultado di e sondeo aki tabata bastante alarmante debí ku di kada 10 hende pretu na Merka 6 di nan a yega di keda atraká of mira otro hende keda menasa ku un arma di kandela.
Chicago, Arizona, Detroit, New York, Texas i Atlanta ta suidatnan mas peligroso na Merka i e tasa di agreshon ku arma di kandela ta hopi haltu den e komunidat di hende pretu segun e sondeo.
Den e sondeo aki Hispano nan ta sigi ku un 27 porshento ku ta eksperimentá violensia ku arma di kandela.
Pa lokual ta Asiatikonan biba na Merka tambe agreshon di violensia ku arma di kandela kontra nan ta haltu ku 21 porshento.
Konsiderando ku nan ta keda atraká debí ku un grupo grandi di Asiatikonan tin negoshi manera Convinience Store den barionan kaminda hende pober ta biba.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
