Ced Ride artista baluarte musikal kultural ya no tei huntu ku nos mas. Lo e bai hasi falta sigur, i ta tuma tempu pa pr tin reemplaso pa e bashí ku keda atras.
Direktiva di Amak ke manda palabranan di kondolensia na su señora, Marry, rumannan, henter famia i na mundu frandulero, ku párdida di e ilustre artsta aki.
Pa nos duna rekonosimentu i hon or na Ced, nos ke sita un parti for di su biografia amplio.
Ced Ride a nase dia 14 di yüli di 1944 komo Cedric Ridderplaat den e bario Carthagena den Otrobanda, na Curaçao. Ced ta e di kuater di e nuebe yunan di Lourdes i Pascual Ridderplaat. For di mucha kantantenan popular manera Augusto Boelijn, Kimo Candelaria i el Gran Kaluf a inspir’é i el a imitá nan.

Tempu e tabata na skol el a kanta den kor hubenil i durante añanan sinkuenta e tabata kanta na kor, den misa di Santa Ana i di Santa Famia i den koro “pan pa mi ruman” di Richard Simon.

Ced Ride a kuminsá su karera den músika popular na aña 1960. El a forma parti di gruponan musikal manera Cyclones del Ritmo di Ewald Chocolaad, i mas despues ela militá tambe den Sonora Antillana, Niño Samson & Combo, Estrellas del Caribe, Combo Aristo, Fermin & Orchestra i e orkesta di Herman Wegewijs .

E lantamentu di 30 di mei 1969 tabata motibu pa e kom-poné su promé komposishon na papiamentu , Nos Corsou”, grabá ku Aristo Combo, ku areglo di don Juan Camelia, dfm.
Na 1973 ela logra su promé éksito internashonal komo ganador di e ‘Festival Internacional de la Voz y de la Canción’ .
Seguidamente ela logra un kontrakt pa sigui su karera musikal na Repúblika Dominikana i e optenè eksperensia i profundisá mas den muzik

Seguidamente Ced a bira konsiente di su vokashon, esta: konstrui na desaroyo di muzik di Kòrsou i e desaroyo di e identidat propio di e Yu’i di Kòrsou.
Ela regresá Kòrsou na 1975 i 1976 ku dos konsierto kau a marka historia: Konsierto Unu, i konsierto dos.
Base di Konsierto Unu ta e kansion Dunami un tiki mas di Kòrsou areglá pa Michael Camilo ku akompañamentu musikal di aballeros i Monte carlo bou di direkshon di Jorge Taveras Camilo ku akompañamentu musikal di Caballeros

Den Konsierto Dos ta realisá na lenga papiamentu un konsierto dediká na Augusto Boelijn i Koko le Pol, pa di un forma simbóliko rekonosó historia musikal di Kòrsou ku un orkesta formá pa miembronan di Asosiashon di Músiko bou di direkshon di Errol ‘Toro’ Colina. Invitadonan spesial ta 7 maestro dominikano, entrenan Michael Camilo pa reforsá e orkesta.

For di e momentu ei en adelante ela hasi tur esfuerso pa sigui ku e generashonnan di artistanan promé kuné promé kuné a hasi, i por menshoná: Kimo Candelaria. Augusto Boelijn, Pierre lauffer, Luis Daal a hasi pa promoshon di idioma Papiamentu.
Pa dokumentá, enrikesé i profundisá desaroyo musikal i héroenan, Ced Ride a produsí i a trese e gran mayoria di Yunan di Kòrsou for di eksterior pa partisipá den festival añana sinkuenta ku gran sosten ddi diputado di kultura di e tempu ey, sr. Angel Salsbach.

Poesia kantá, komo un género den Kansion na Papiamentu, ta karakterisá e plata-forma musikal amplio ku Ced tabata praktiká.
Aki Ced a hasi uso di poesianan di eskrtornan konosí, komodi su prpio obranan.

Ced Ride den Tumba
For di e promé aña di Festival di Tumba na 1971 Ced Ride a profilá komo un tumbero ku ta mantené e patronchi original di tumba i a la bes ta inová e tumba, ku areglonan nobo i tekstonan ku ta inová (reta) e regla sagrádo ‘ku e tumba mester referí na Karnaval’. E ta usa karnaval i su atributonan komo metáfora pa mensahenan informativo, kritiko o patriótiko.
Asina e ta mantené su vishon riba e lugá sentral di papiamentu pa identidat di Yu di Kòrsou den su tumba original ‘Kòrsou tin un P’. Ta un homenahe na e idioma papiamentu, ku kua na 1997 el a partisipá na Festivali Tumba. Ku e komposishon akí el a gana e premio pa e mihó letra.

Ku e tumba pa e Festival di 1998 e ta konta den un for di un katedrátiko tokante orígen di papiamentu den e diferente regionnan linguístiko di Áfrika (‘desendiente di Kongo ku Angola, Kabo Bèrdè ku El Mina, Luangu i Gene,}
Ced tin masha hopi produkshon riba su nòmber, i mayoria di nan a bira hit.
E kansion ku mas ta yama atenshon ta título di e cd mes Ta yu di Kòrsou mi ta.
Den e bolero akí Ced ta boga eksplísitamente pa pueblo rekonosé su identidat públikamente: ‘Unda ku bo bai òf unda ku bo ta, no lubidá nunka ku ta yu’i Kòrsou bo ta’.

Hopi kantika di Ced Ride ta pertenesé na e kultura ‘klásiko’ di muzik di Kòrsou.
Un florilegio di su kantikanan ku entre otro Pintor, na mes tempu kansion di título di e pelíkula Ana i Gabriel, – i por referí na Ced Ride mes, ku ta resultá un pintor inspirá – , su kansionnan romántiko Mi No ke Bo mas, Pekador, Mi ta stimabo, Nos Tata (1970), Biña mas bieu, mas bon i ku su tumba/himno patriótiko Nos Pais

Esaki ta un resúmen breve di e historia musikal Amplio di CED.

Distinshonnan.:
Ced a risibí hopi distinshon.
Su ultimo distishon riba 2 di yüli 2021, “Krus di mérito.
Otrto distinshonnan ta e.o:
1968: Tambu di Oro;
1999: Premio Cola Debrot;
2004: Ridder in de orde van Oranje Nassau;
2012: Un kanto pa Kòrsou 2012;

Ced sosegá na pas.