Connect with us

International

Na Jacksonville: Wes a kondena muhé ku a tosa riba otro na 30 dia di kastigu di prizon

Published

on

Debra Jo Hunter a haña tremendo kastigu ayera di un wes na Jackonville pa su aktonan kriminal di a tosa riba un señora ku kanser ku a pidié pa bisti su tapa boka.

JACKSONVILLE – Tabatin un insidente ku a bai viral for di aña pasa durante e pandemia di covid-19 na luna

di yüni kaminda un muhé a kana bai riba otro dama den un sentro komersial na Jacksonville i tosa den su kara.

E insidente aki a keda graba ku telefon selular i naturalmente pone mesora riba retnan sosial.

Resultado di lokual e muhé identifiká komo Debra Jo Hunter a hasi aki di tosa den kara di Heather Sprague ku ta un pashènt di kanser a pone ku polis a detené e sospechoso di inmediato.

Ayera e kaso aki a keda trata den korte na Jacksonville i wes James Ruth a dikta ku Debra Jo Hunter tin ku bai 30 dia sera i paga un but di $500.

Manera Debra Jo Hunter sali for di prizon e ta obligá di bai kurso di anger management.

Konsekuensha di lokual a pasa aki a pone ku Debra Jo Hunter a pèrdè trabou i su yunan no kier atendé mas kuné segun su deklarashon ayera den korte.

Continue Reading

International

Funshonarionan merikano a biaha pa Venezuela pa sigi ku diálogo ku e régimen di Maduro

Published

on

By

Nicolas Maduro presidente di Venezuela.

WASHINGTON – Alto funshonarionan di gobiernu merikano a biaha diskretamente pa Caracas den un intento di rekonstruí relashonnan komersial bek ku PDVSA.
Tabata di spera ku gobiernu merikano ta bai hañe lomba kontra muraya na dado momentu ku Rusia a stòp di entrega gas i petrolio na paisnan den Union Europeo.
E presensia di e delegashon merikano a keda konfirmá pa e propio Nicolás Maduro i Jorge Rodríguez presidente di Asamblea Nacional chavista.
Nicolas Maduro a bisa ku nan ta dispuesto pa negoshá ku gobiernu merikano basta nan kuminsá kita tur e sanshonnan ku tin e pais sui ekonomia stanka.
James Story embahador merikano for di Colombia a indika ku tin e posibilidat ku pronto PDVSA lo bai kuminsá eksportá petrolero pa Texas.
E plan ta pa laga delaster un di direktor nan di Citgo lider i ku nan por regresá merika bek mas lihé ku ta posibel.
Gobiernu merikano renová lisensia pa tur empresa petrolero merikano inkluyendo Chevron por sigi ópera na Venezuela.

Continue Reading

International

Ghislaine Maxwell a keda kondena na 20 aña di kastigu di prizon pa tráfiko seksual

Published

on

By

Ghislaine Maxwell...

NEW YORK – Ghislaine Maxwell ku un tempu tabata forma parti di miembro di altá sosiedat na Inglatera i Merka a keda kondena ayera na 20 aña di kastigu di prizon.
Wes Alison Nathan ku atendé ku e kaso aki a indika ku ela tende fiskalnan ku a pidi 20 aña di kastigu di prizon pa Ghislaine Maxwell no solamente pa lokual ela hasi pa su amigu Jeffery Epstein sino pa e trastorná ku ela laga e víktimanan atras kuné.
Ghislaine Maxwell tabata rekluta adolesentenan pa drumi ku hòmbernan ku plaka mayor di edat pa asina e keda bon mira den sosiedat di e supuesto intokabelnan aki.
Wes Alison Nathan a tende testimonio di un di e víktimanan ku a keda rekluta pa Ghislaine Maxwell na momentu ku e tabatin apénas 14 aña di edat.
Cristian Everdell ku ta abogado ku a defendé Ghislaine Maxwell a bisa ku su kliente no ta forma un peliger pa ningun hende i ku lo bai apelá e kaso aki den Korte Supremo.
Wes Alison Nathan a dikta tambe ku Ghislaine Maxwell lo tin ku bai paga un but di $750.000 tambe ku lo keda repartí entre tur su víktimanan.

 

Continue Reading

International

Putin a atvertí ku lo bai tin un di tres Gera Mundial si nan ataka Crimea

Published

on

By

Vladimir Putin presidente di Rusia...

MOSKU – Vladimir Putin presidente di Rusia a sigurá ku kualkier atake ku Merka i miembronan di OTAN mester hasi riba Crimea lo por keda garantisá ku lo bai tin un di tres gera mundial.
Volodímir Zelenski ta para firme ku Crimea ta pertenesé na Ukrania miéntras ku Vladimir Putin tambe a indika ku e península semper tabata di Rusia.
Vladimir Putin ta di opinion ku elo no tin ningun problema ku si Suesia i Finlandia kier forma parti di OTAN pero den kaso di Ukrania si esaki lo bai bira un problema serio.
Rusia a kuminsá sinti efektonan di sanshonnan finansiero ku Merka i paisnan miembronan di Union Europeo ta implementando kontra su pais.
Esaki ta pone ku Vladimir Putin ta birando hostil i ta menasa pa kuminsá ku un di tres gera mundial.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login