MEXICO – Den fin di siman ku a kaba di pasa tabatin konfrontashon brutal entre gengnan kriminal na San Luis Río Colorado ku ta keda entre Sonora i Baja California.
Resultado di e konfrontashon kriminal aki tabatin komo konsekuensia ku un total di 8 hende a pèrdè nan bida i 12 hende a resultá gravemente herida.
Ta parse ku ta trata aki di reglamentu di kuenta entre sikarionan di kartel di Sinaloa i “Los Chapitos” kontra di “Los Rusos”.
Alejandro Gertz Manero fiskal general na Mexico a konfirmá ku nan a haña un kantidat di grabashon di e konfrontashon i ku nan a logra detené un total di 14 persona.
E kaso aki ta serio ya ku tin hende inosente ku tabata den e área a pèrdè nan bida den e konfrontashon entre e gera ku tin entre kartelnan di droga ku nunka a para ku nan aktividatnan kriminal.
Fiskal Alejandro Gertz Manero a splika ku tin miembronan di ehérsito Mexicano i Guardia Nashonal ku lo bai tuma kontrol na San Luis Río Colorado.

WASHINGTON – Durante Emmanuel Macron su gira na Merka a reuní ku Joe Biden i otro funshonarionan di alto rango na Merka i tambe ku e empresario Elon Musk.
Emmanuel Macron su intenshon tabata pa reuní ku Elon Musk ku a kaba di doño di Twitter e plataforma di komunikashon mas importante riba e planeta aki i tambe Tesla i otro empresanan ku tin di haber ku energia alternativo.
E motibu dikon Elon Musk a atkerí Twitter ta pa simplemente revolushona mundu di komunikashon i naturalmente yuda su empresanan desaroyá na tur skina riba e planeta aki.
Esaki ta nifiká ku Elon Musk kier desaroyá energia bèrdè ku ta lokual su empresanan ta desaroyá i den e kaso aki Emmanuel Macron tambe ta interesá pa bai ku Fransia den e direkshon aki.
Elon Musk a splika Emmanuel Macron ku e motibu dikon ela atkerí Twitter ta pa trese kambionan positivo riba e planeta aki i kaba ku desaroyo di terorismo i negativismo.

WASHINGTON – Antony Blinken sekretario di estado merikano a akusá gobiernu di Rusia di usa e temporada di aña aki ku ta hasi hopi friu komo un arma di gera kontra Ukrania.
Lokual ku presidente Vladimir Putin a ordená pa hasi ta ataka tur infrastruktura di energia na Ukrania ku e meta prinsipal pa mas tantu hende muri kongelá.
Vladimir Putin na su turno a desmentí e maniobra kruel aki pero den e kaso aki ta bisto lokual su strategia ta pa mata hopi hende inosente ku no tin nada di haber ku e lokura di gera apsurdo aki.
Avril Haines direktor di servisio di Inteligensia merikano a sigurá ku e strategia ku Vladimir Putin a skohe aki ta bon studia ya ku durante e periodo di aña aki militarnan Ruso tampoko no por hasi nada pero si por laga destruí infrastruktura di koriente ta sigi mata míles di Ukraniano.