International
Na Alabama: Hòmber a kap kabes di frei debi ku e no kier a tene relashon seksual kuné
ALABAMA – Mark Moon bosero di kuerpo polisial na Alabama a konfirmá ku nan a detené un hòmber identifiká komo Justin Fields (38) debí ku ela puñala su frei ku yama Tammy Bailey (52) mas ku 100 biaha pa motibu ku e no kier a tene relashon seksual kuné.
Durante interogashon por a komprondé ku Justin Fields tabata bebe Brandy i toka su kitara den balkon di kas.
Na momentu ku ela sinti su kurpa kansa ela disidí na bai drumi kaminda ela topa su frei sunú drumi riba kama. Justin Fields a konfesá na polis ku ela haña gana di tene relashon seksual i a kuminsá mishi ku Tammy Bailey.
Tammy Bailey a grita Justin Fields indikando ku e no tin gana di tene ningun relashon seksual i pa lag’é drumi. Justin Fields a splika esnan ku tabata interog’é ku e forma kon Tammy Bailey a rechase a pone rabia asina tantu ku ela bai kue un kuchú den kushina i kuminsá puñale. Despues di lokual Justin Fields a hasi ela bai drumi i mainta ela realisá ku Tammy Bailey tabata drumi morto banda di dje ku su kabes kita afo. Justin Fields a yama su tata pa splik’é kiko ela hasi i ku elo bai kometé suisidio. Den e kaso aki e tata di Justin Fields a yama polis i bisiña pa asina evitá ku su yu lo kometé suisidio.
Lokual ku por bisa ta ku polis a yega na tempu pa evitá ku Justin Fields a kometé suisidio pero si por bisa ku e ta den problema hopi serio ku hustisia pa lokual ela hasi.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
