Connect with us

Lokal

Minister di Finansa di Aruba: Aruba ta manehá su finansa mihó ku Kòrsou

Published

on

Xiomara Maduro

WILLEMSTAD. Minister di Finansa di Aruba, Xiomara Maduro, siman pasá a manda un èmber di awa friw riba e komentario di prof. dr. Gradus, presidente dje komishon supervishon finansiero Aruba.
E komentario di e presidente di CFT tabata mas positivo pa Kòrsou ku pa Aruba pero e Minister di finansa di Aruba a tuma su tempu pa demostrá CFT ku si nan ta honesto, nan mester rekonosé ku Aruba a manehá su asuntunan finansiero mihó ku Kòrsou i ku e opinion di CFT tin erornan tekniko riba situashonnan ku nan no tabata sa di dje.
E minister a manda informa Gradus ku Aruba debidamente a tuma tur país pa fortalesé situashon finansiero di manera duradero.
Por mira esaki na e hecho ku nan a kontrola e gastunan di personal manera a palabrá ku Ulanda.
A palabrá ku Ulanda ku Aruba ta pone un paro den oumento di gastunan di personal i no ta surpasá 479 mion florin pa aña na gastu di personal.
E gastunan a baha ku 1 mion florin pa aña pero Aruba a bisa honestamente ku durante e pandemia di corona e gastunan a baha mas tantu pasobra nan a redusi salarionan ku 12.6% di solidaridat.
Asina mes Aruba a baha su kuota di debe nashonal na 72% kontrali ne impreshon ku Aruba su debe nashonal ta 6000 mion florin.
Loke a pasa ta ku Aruba tabata riba e bon ruta ora COVID a dal aden ku e konsekuensianan desastroso ku tur hende a sinti.
Pero si kompará e sifranan di hopi país den Karibe, por nota ku nan a interpretá e sifranan di Fondo Monetario Internashonal robes of no tabata na altura dje sifranan ei.
• Reakshon di pago belasting ku drenta ta mustra sifranan kasi desigual den tur e paísnan pero tradusi na porsentahe, ela dal Aruba mas duru.
• gastu di produkto i servisio na Aruba tabata esun mas abou ku di tur país den Karibe.
• Pero lo mas remarkabel ta e forma ku Aruba a reakshoná riba su gastunan di personal.
Kontrali na Kòrsou i Sint Maarten, Aruba a retené e 12.6% di Solidaridat ku nan a palabrá ku Ulanda kompletamente ku plaka.
Kòrsou i Sint Maarten a retené e 12.6% ku un ‘bojote’ di medida imaginario pasobra e dos otro paísnan, kontrali na Aruba, mester a entregá na plaka kèsh na lugá di dianan di fakansi i bonus ku gobiernu a retené.
• E kuota di debe nashonal di tur e paísnan a subi grandemente pero esun di Aruba a kuminsá nivela. Minister di Finansa di Aruba a informá Gradus no ku asina tantu palabra ku si no tabata pa e pandemia di Covid ku a kousa un efekto finansiero ekonomiko asina katastrofal di proporshon tan bestial sino ku den korto tempu a kaba ku e spiral di bienestar ku Aruba tabata aden promé ku COVID.

Continue Reading

Lokal

Kontraloria mester hasi investigashon…. Kuater trahadó mas a kita for di Kas di Kòrsou den krisis profundo

Published

on

By

WILLEMSTAD. For di 15 di febrüari 2022, frakshon di PAR a hasi e petishon pa un reunion di Komishon Sentral tokante e situashon di tenshon laboral na Kas di Kòrsou.
Den e 118 dianan ku a pasa, for di dia ku frakshon di PAR a pidi e reunion te ku awor aki, 4 trahadó di kas di Kòrsou a kita for di trabou i vários a bira malu i ta na kas pa e tenshonnan na Kas di Kòrsou.
Kas di Kòrsou no tin direktor i tur otro departamento falta personal pa hasi e trabou.
Frakshon di PAR ta haña ku a inaseptabel ku trahadónan di Pais Kòrsou ta sinti ku nan mester kita for di trabou pa skapa di sintimentu di abusu i ta mas lamentabel ku parlamentarionan ta pidi reunion pa haña klaridat pa e trahadónan i ta dura 118 dia pa e minister responsabel presentá.
Mirando e eskalashon di e situashon na Kas di Kòrsou i embergadura di e konsekuensia, frakshon di PAR ta pidi pa anulá petishon pe reunion di komishon sentral a pidi pa yama un reunion públiko di parlamento, den kual ta invitá promé minister sr. Pisas ku sentido di urgensia.
I alabes ta pidi promé minister sr. Pisas pa laga Ombudsman hasi un investigashon independiente riba e situashon laboral na Kas di Kòrsou.
Frakshon di PAR ta proponé Parlamento tambe, pa pidi Kontraloria General pa hasi un investigashon riba e legalidat i efisiensia di desishonnan ku keda tumá na Kas di Kòrsou riba tereno finansiero i di personal, durante e periodo di maneho di e minister plenipotensiario aktual.

 

Continue Reading

Lokal

Bati a bati Sandals ku kritika pero….. Sandals Royal ta dal bèk ku ‘album’ di foto di trahadonan selebrando

Published

on

By

WILLEMSTAD. Na momento ku Sindikato, politiko, trahadonan I hasta funshonarionan di gobiernu ta bashando èmber di kritika kontra e trato ku trahadonan lokal ta hañando serka miembronan Hamaiko dje Task Force ku nan a importá, e hotel a organisá un fiesta ku sentenares di trahadó i nan yunan gosando di a organisá ‘back to school’.
Mas o ménos 400 mucha i nan mayornan a disfrutá di un dia ku aktividatnan pa fomentá mas union nèt promé ku skol kuminsá.
Na mes momentu e muchanan a risibi tas pa skol ku durante di e promé feria di ‘back to school’ organisá pa Sandals Royal Curaçao.
Di akuerdo ku reportenan, muchanan kontento tabata partisipa na aktividatnan plasentero.
Empleadonan di Sandals i nan yunan a wòrdu malkriá ku alimento saludabel, snèk i sufisiente kos di bebe ku managernan di e resort mes a sirbi ne trahadónan.
E loke e Relashonista di Sandals a relata ta pinta un kuadro kompletamente diferente ku loke por a skucha ayera na emisoranan lokal kaminda representantenan di varios sektor sosial di pais tabata denunsia e trato di katibu ku ta apliká kontra nan. Denunsianan di intimidashon seksual, maniobranan pa atverti trahadonan ku nan a hasi kos robes, a denunsia ku ta kita nan oloshi for di nan pa nan no sa ora a keda ekspresá den e programanan di radio lokal.
Hasta e direktor interino di SOAW a splika ku si nan haña denunsia di maltrato di trahadó nan lo drenta e hotel pa papia ku gerensia sin importá ku ta tres siman promé mester traha sita ku gerentenan.
Kurioso tambe tabata ku ningun trahadó a ekspresá nan mes den e komentarionan na radio pero esei ta masha normal i ta pa evita represaya. E relato dje evento ku e Relashonista a divulgá a splika ku e trahadónan tabata kontentu.
Loke sí mester bisa ku tin trahadó ku a bisa ku e evento tabata un gesto sumamente bon di parti di Sandals.
Banda di e evento di back to school pa trahadónan ku tin yu, Sandals i Sandals Foundation a sera akuerdo ku fundashon Jireh pa entrega di tas pa skol ku kontenido na alrededor di 100 mucha den komunidat di Kòrsou.

 

 

Continue Reading

Lokal

Den e promé 7 lunanan…… Kòrsou a surpasá e kantidat di turista risibí aña pasá

Published

on

By

WILLEMSTAD- – Ofisina di Turismo di Kòrsou (CTB) ta raportá un kantidat di 275.799 turista di estadia den e promé 7 lunanan di aña 2022.
E kantidat di turista di estadia registrá ya a surpasá e kantidat risibí na 2021 na momentu ku un total di 265 mil turista di estadia a bishitá Kòrsou.
CTB ta mirando un kresementu ekselente den kantidat di turista di estadia, spesialmente for di e paisnan for di kua nos ta risibí mas tantu turista esta; Hulanda i Estádos Unídos.
Tur dos merkado ta mustrando un prestashon sólido den e promé 7 lunanan di 2022. Huntu e merkadonan menshoná ta responsabel pa 70% di e kantidat di turista di estadia risibí e último periodo.
Un total di 146.038 bishitante, esta 53% a keda risibí for di Hulanda miéntras for di Estádos Unídos un total di 47.544 esta 17% a bishitá nos pais entre yanüari pa yüli 2022.

Yüli 2022
Na luna di yüli un kantidat di 48.246 turista di estadia a keda risibí lokual ta 11 mil turista mas ku e kantidat risibí na yüli 2019 na momentu ku Kòrsou a risibí 37.249 turista di estadia. Ta e promé biaha ku CTB ta raportá 48 mil turista durante e luna di verano.

Total e bishitantenan aki a keda 501.382 anochi riba Kòrsou durante luna di yüli kual ta un averahe di 10.3 anochi pa bishitante.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login