Lokal
Militar ku a manda su outo Ulanda mester paga Derecho
WILLEMSTAD. A dura un tempu largu pero un militar ulandes ku tabata stashona na Kòrsou durante 5 aña te dia su kontrat a kaba mester a repatriá pa su pais pero unabes ku e tabata na Ulanda e no a gusta e trato ku ela haña serka su superiornan i a solisitá pa bin Kòrsou bek pa biba pero e mester di su outo ku ela yega di kumpra na Kòrsou mes.
Esei seladornan a interpretá komo un kaso di importashon dje mesun outo dos biaha i ku mester paga derecho di importashon atrobe pa e outo drenta Kòrsou.
Miniser di defensa ulandes no kier a firma pa keda sin kobré e derecho di nobo di manera ku e militar a bai wes na Den Haag pa reklamá su supuesto derecho.
E kaso finalmente a resultá den un situashon kaminda e militar ulandes a hañe den un situashon di “have you pie and eat it too” kaminda ela pidi restitushon di derecho di importashon pero ku outoridadatnan di aduana no a permiti.
No kabe duda ku ta den un momento di mal disgustu ela tuma e desishon pa solisitá pa bin traha bek na Kòrsou pasobra ela yega di solisitá pa un bon funshon na Ulanda i minister a duné palabra ku dia e repatriá e por solisitá i hanja e djop. E militar a traha eksaktemente 5 aña na Kòrsou di 1 juli 2015 te ku 1 juli 2020 den un funshon responsabel i for di 1 juli 2020 su funshon nobo tabata wardé na Ulanda. Foi prome luna ku e tabata na Ulanda ela kumpra dos outo, un riba su mes nomber i e otro riba nomber di su kasá.
Dia 30 di oktober 2020 Ministerio di Defensa a asigné den un funshon nobo entrante yuli 2021 i en relashon ku su mudansa pa Kòrsou ela bende su outo i a barka outo di su kasá manda Kòrsou kaminda ora ela bai saka e outo na Duana nan a kobre € 994,51.
7 di oktober ela entrega un petishon pa restitushon pasobra kuater kolega ku a haña nan den mesun situashon a haña nan sèn bèk.
E militar no por a kere su bista ora ela haña un karta di Minister di Defensa ku e no por haña restitushon.
Sinembargo wes a splika e militar ku te mes a skohe pa solisitá riba e puesto na Kòrsou i mester a buska drechi dje konsekuensia ku esei lo tabatin pa su karera.
I un dje konsekuensianan ta ku e no ta bin na konsiderashon segun leinan di belasting di belastingdienst Caribisch Nederland ku mester tabatin e outo minimalmente un aña den su poseshon pa keda eksonera di pago di derecho di importashon.
Wes no a haña ta hustu ku e ke laga Ministerio di Defensa paga pa su ignoransia pasobra e mester a buska drechi ku for di 1 februari 2020 e areglo di pago di kompensashon den kaso di mudansa Ministerio a bin ta aplika regla mas severo. I no tabatin nada inhustu den aplikashon dje regla.
De hardheidsclausule van artikel 31 van het Verplaatsingskostenbesluit Defensie (VKBD) is terecht. E militar a husga ku e tabata obligá di solisitá pa e funshon na Kòrsou pasobra e no tabatin siguridat si e ta haña e funshon na Ulanda ya ku ora ela yega Ulanda e funshon no tabata disponibel mas.
Ni ku nan lo a dune un puesto similar i ela sinti esei komo inhustisia i si a komplase tòg, esei lo a viola e regla di trato igual.
E militar no tabata den duda ku e lo a hanja e funshon na Ulanda i ela perde konfiansa i manera kochi kayente a kore solisita pa otro funshon i a krea un makutu di problema pa su mes pa kual wes no a baha kabes i a rechasá su demanda.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
