Lokal
Mester ta solidario ku trahadonan (migrantenan) ku ta biba sin protekshon
WILLEMSTAD – Sektor sindikal di Kòrsou ayera tabatin un dia grandi, ora ku a rekorda 100 aña dje lucha laboral na Kòrsou, kaminda ku a pone enfasis riba prinsipalmente e heroe Phelippi ‘Felix Chakutoe’. Tabatin un programa di konmemorashon i fiesta ku a kuminsa 9’or di mainta riba Plasa Phelippi Benito Chakutoe. Banda di oradornan dje gremio sindikal, gobièrnu di Korsou tambe tabata representa den persona di entre otro ministernan Larmonie-Cecilia i Van Heydoorn. Riba e programa tabatin tambe entrega dje premio ‘Hèlmu di Lucha’, na 12 Baluarte.
E krisis ku nos tur ta eksperensia, ta pio pa tur e trahadonan ku no ta registra. Asina Itteke Witteveen di Human Right Defense, a bisa. E trahadonan ta sufri abusu i nan tin miedu ku ta deporta nan. Ta trata di entre otro migrantenan di Venezuela, Haiti, Colombia , Jamaica . Nan a perde trabou of nan tin miedu di perde nan trabou den e periodo di krisis aki. Nan a perde permit di estadia, mientras ku nan a entrega nan mes na e instansianan responsabel, pero no ta haña kontesta i nan a bai korte, pero ta resulta ku nan no tin permit di estadia ni tampoko pa traha. Ta pesei tin miles di trahado ku no tin mag di traha.
‘Shen aña despues di Felix Chacuto, nos ta falta algu solidario i independiente pa e miles di trahadonan ku ta biba sin protekshon.’
Den su diskurso, Minister Ruthmilda, Larmonie-Cecilia a bisa ku despues di 100 aña di lucha pa debernan laboral den nos pais, e pregunta ku nos mester hasi ta Nos a yega ? ‘’ E frase aki pa mi ta oportuno i profundo pa ami komo yu di Kòrsou. E frase ta importante tambe pa un pueblo ku ta kere den soberania.’’ E minister a sigi bisa ku e frase aki mester ta fuente pa fortalese e forsa sindikal, pa nan influensia desaroyonan positivo den nos pais pa tur obrero.
‘Nos tur komo yu di Kòrsou, mester konsidera komo un previlegio ku for di 100 aña pasa, tabatin hòmber manera Felix Chacuto ku tabata dispuesto pa bai all the way pa defende derechonan di trahadó.
Wendel Muelen
SSK ta representa diferente sindikato ku bo ta mira atraves di tempu ku a transkuri, e lucha ku Felix Chacuto a hiba e tempu ei a kontinua. Segun lider sindikal Wendel Muelen, Si bo mira den e sektor di salú kon a hiba diferente lucha, pa bienestar di e sektor ei. E sektor di haf kaminda nos ta para awe, hopi lucha a keda hiba i kondishonnan di trabou ta mehora. Tin leinan di trabu ku mester mehora. Entre otro sektor di haf ni tampoko di aeropuerto no ta kai bou dje areglo di trabou di ana 2000. Na diferente okashon nos a bisa ku nos ta kere ku ta hustu pa hasi kambio.
Wendy Calmes
Tin hopi di nos ta papia di formashon . Formashon ta sumamente importante pero e deseo pa enbrdat hasi e trabou sindikal ta number 1. Segun Wendy Calmes, si bo no tin e den bo, bo no ta logra. Nos tur ku ta hasi e trabou aki, ta hasi sakrifisio grand i nos a pèrde hopi momentu ku nos famia , pa sibri e kousa. ‘Ami a para i mira kon diferente di boso hasi e trabou aki, ku a inspira mi pa kuminsa ku e trabou aki pa despues bira dirigente maksimo di abvo’.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
