Sosial
Mèrkado Kulinario ta yama bon biní na; Bambu Restaurant by Just
![](https://s3.us-east-2.amazonaws.com/nobo-s3.kordami.com/wp-content/uploads/2021/08/02220537/bam-scaled.jpg)
WILLEMSTAD, Kòrsou: Djasabra último merkado kulinario a ekspande ku inougurashon di e restaurant úniko i eksepshonal; Bambu Restaurant by Just na Madero Ocean Club. Un lokalidat realmente modèrno i eksklusivo ku ta pas perfekto ku e ambiente di Madero Ocean Club. Den presensia di invitado nan a korta sinta i duna tur presente e oportunidat di eksperensha e arte kulinario ku Bambu Restaurant by Just ta ofresé.
Justin Niessen propetario di Just Rotterdam i Mondi Restaurant & Terrace a uni huntu ku Raymon Vos pa krea e konsepto di Bambu Restaurant by Just, ambos agregando nan konosementu den mundu di gastronomia i eksperensia kulinario internashonal. Loke ta hasi Bambu Restaurant by Just diferente ta su kumindanan Karibense, “Soul Food”, “Sea Food” i e famosos eksperensia di “Shared Dining”.
“Nos ta hopi ansioso pa e reto nobo aki. Nos staf i pèrsonal no por warda pa nos bishitantenan kompartí nan eksperensha ku nos. Pa establesé un restaurant di e taya aki den mi propio Pais ta un soño bira realidat. Maske ku nos Pais no ta pasando den su mihó tempu, ta importansia pa nos mantené e spiritu di positivismo, motivashon i speransa. Si huntu nos kambia nos pensamentu i realisá ku nos no mester warda riba e oportunidat perfekto sino krea e oportunidat perfekto nos lo yega na eksito sigurá.” Justin Niessen ta bisa.
Bambu Restuarant by Just ubiká na Madero Ocean Club ta akapará un total di 80 bishitante i ta ekipá ku tur detayes pa hasi kada eksperensha realmente memorabel. Pa kualkier selebrashon of evento intímo e eskoho perfekto ta Bambu Restaurant by Just. Kushina ta habrí for di 10’or di mainta te 10’or di anochi i bar lo ta habri te 12’or di anochi. Ku brasa habri staf i pèrsonal di Bambu Restaurant by Just ta warda nos hendenan lokal i turistanan pa brinda e eksperensha kulinario eksklusivo manera e so por.
Pa mas informashon por bishita Bambu Restaurant by Just riba plataforma sosial: @bambucuracao. Bambu Restaurant by Just ta warda ABO!
Sosial
Raey Lauffer Rei di Tumba 2023
Sosial
Último presentashon Biggy Boy riba 26 Desèmber na Kòrsou
![](https://s3.us-east-2.amazonaws.com/nobo-s3.kordami.com/wp-content/uploads/2022/12/02172011/Foto-4-scaled.jpeg)
Willemstad,— “Jeon” Biggy Boy, ta rumbo pa Kòrsou pa su último presentashon. Ta trata di e evento Biggy Boy Forever “The Shutdown”i espektativanan ta haltu. E presentashon lo ta unu ku tei tuma luga den WTC riba 26 di desèmber próksimo.
Djasabra tras di lomba e artista, a publiká riba su ret sosial ku 26 di desèmber e lo ta den WTC ku su konsierto tan eksitoso “Biggy Boy Forever”. Den e kaso aki, e konsierto lo tin e nòmber Biggy Boy Forever “The Shutdown” debí ku e konsierto lo ta su último presentashon pa un periodo largu. For di komienso 2022 konsiertonan di Biggy Boy Forever tabata rementá kaya. E konsierto
Sosial
Brian Dekkers ta uni forsa ku Mr. Ray Bass i Kilate Tesla ku e kantika ‘Freedom’
![](https://s3.us-east-2.amazonaws.com/nobo-s3.kordami.com/wp-content/uploads/2022/12/02172009/Freedom-art.jpeg)
WILLEMSTAD / SOEST – En kuadro di e diskulpa ku gobièrnu hulandes ta duna awe pa nan rol durante e époka di sklabitut, kantante Brian Dekkers huntu ku Mr. Ray Bass i Kilate Tesla ke rekordá pueblo e importansia di libertat real, kual ta kuminsá den nos mente. E kantika Freedom, Brian Dekkers ke duna atenshon na e deseo di kada un di nos, pa eksperensia libertat real den nos bida, sea ta libertat finansiero, libertat den nos abilidat di pensa i kere, of libertat pa stima i biba un bida ku propósito.
Banda di e diskulpa di gobièrnu hulandes dia 19 di Desèmber, lo lansa un aña di Konmemorashon di e Pasado di Sklabitut riba 1 di yüli 2023 te ku 1 di Yuli 2024. Aki lo duna atenshon spesial na nos pasado di sklabitut, un parti importante i doloroso ku anteriormente no a haña masha atenshon den nos historia. Den e konteksto aki, Gobièrnu Hulandes ta pone 2 mion euro tagram @mrraybass i Kilate Tesla na Instagram @kilatetesla pa mas muzik i presentashon.