Connect with us

International

Mensahe di Merka pa Maduro: Gobiernu di Biden ta konsiderá Guaidó komo presidente interino

Published

on

Joe Biden presidente di Merka no ta interesá pa hiba ningun kombersashon ku Nicolas Maduro.

WASHINGTON – Na momentu ku Nicolas Maduro a pensa ku lo no tin Donald Trump mas na poder komo presidente di Merka i kosnan lo bai ta otro ku Biden.
Juan González direktor prinsipal di Konseho Nashonal di Seguridat pa e Hemisferio Oksidental di Merka a haña òrdu di Biden pa splika Nicolás Maduro ku elo tin ku dialogá ku Juan Guaidó kende nan ta konsiderá komo presidente interino di Venezuela.
Joe Biden ta bon na altura di tur lokual ta pasando na Venezuela i e no ta interesá mes den dialogá ku Nicolas Maduro.
Juan González a splika ku e situashon entre Venezuela i Merka lo por bai bira aun mas tenso riba nivel komersial
i diplomatiko debí ku Joe Biden sí ta dispuesto pa invadí Venezuela militarmente.
Tin un órden di aresto internashonal kontra Nicolas Maduro i pa kolmo tin un rekompensa di $25 mion pa
su kaptura.
Esaki ta nifiká ku Joe Biden no ta interesá ku un trafikante di droga i na kualkier momentu por laga militarnan drenta teritorio venezolano i arestá Nicolas Maduro. Ne momentunan aki e úniko forma ku atministrashon di Biden por kuminsá kita tur e sanshonnan for di Venezuela si Maduro entrega su mes na hustisia merikano.
Esaki lo por trese konfiansa bèk i ku Merka lo por yuda Venezuela sali for di tur su problemanan.

Continue Reading

International

Eks presidente chino Jiang Zemin (96) a fayesé

Published

on

By

Jiang Zemin eks presidente di China a fayesé.

SHANGHÁI – Jiang Zemin (96) eks presidente di China ku a okupá e puesto entre 1993 pa 2003 a fayesé.
Tin informashon ku Jiang Zemin kende tabata lider di PCCh ( Partido Comunista di China) den dékadanan 80 a fayesé na su residensia na Shanghai.
Lokual ku por a komprondé ta ku Jaing Zemin te ku aña pasa tabata den bon estado di salu pero na komienso di e aña dòkternan a bin konstatá ku e tabatin Leukemia.
Jiang Zemin a nase na 1926 na Yangzhou i a keda nombra sekretario general di e partido PCCh na 1989.
E último aparishon públiko di Jiang Zemin tabata dia 1 di òktober di aña 2019 ku ta Dia Nashonal i selebrashon aniversario di proklamashon di Repúblika Nashonal di China.

Continue Reading

International

Ministerio di Agrikultura: Na Ecuador a deklará emergensia sanitario pa brote di influenza aviar

Published

on

By

Ministerio di Agrikultura na Ecuador a deklará ku tin un emergensia sanitario pa brote di influenza aviar.

QUITO – Ministerio di Agrikultura i Ganadería a deklará ayera ku tin un emergensia sanitario pa 90 dia despues debí ku a detektá un brote di influenza aviar den vários finka ku ta kria galiña di e pais.
Ta p’esei e Ministerio di Agrikultura i Ganadería durante siguiente 90 dianan no por mobilisá ningun produkto di orígen aviar manera webu, puitu, galiña i patu pa ningun otro finka pa evitá un brote.
E promé kaso di influenza aviar altamente kontagioso a keda detektá tres dia pasa na un finka na e provinsia ku yama Cotopaxi.
Tur e kriadero di galiñanan ku tin na Ecuador huntu tin 263 mion galiña i lokual a keda detektá ta solamente 180.000 galiña ku ta afektá ku e influenza aviar.
Ta p’esei Ministerio di Agrikultura i Ganadería lo tin ku bai sakrifiká e bestianan aki pa evitá un brote di influenza aviar na e finka nan na Ecuador.
E sektor aki na Ecuador ta generá anualmente $1.800 mion i a bin ta krea 300.000 kupo di trabou.
Segun e Ministerio di Agrikultura i Ganadería na Ecuador
entre yanüari pa novèmber e finka nan ku tin kriadero di galiña a produsí 495.000 tonelada di karni di galiña i 3.812 mion webu.

 

 

Continue Reading

International

Segun presidente Maduro: Venezuela tin serka di $ 30.000 mion blòkia den eksterior

Published

on

By

Nicolas Maduro durante su rueda di prensa.

CARACAS – Nicolás Maduro presidente di Venezuela a sigurá ayera ku su pais tin entre $24.000 pa $ 30.000 mion blòkia den eksterior i ku esaki ta produkto di e sanshonnan ekonómiko Internashonal.
Durante Nicolas Maduro su rueda di prensa den Palacio de Miraflores a bisa ku ta trata aki di fondonan di estado venesolano ku ta kongelá, blòkia i sekuestrá.
E mandatario a bisa ku gobiernu tin un plan pa repatriá tur e plaka ku a keda inhustamente kongelá i blòkia pa Merka i paisnan den Union Europeo.
Ya kaba tin informashon ku Banco Central de Venezuela tin na su disponibilidat $3.000 mion ku lo keda repartí na asuntunan sosial pa e pueblo venesolano.
Tin hopi proyekto sosial ku tabata stanka i ku lo bai keda finansiá ku e fondonan aki segun presidente Maduro.
E fondonan aki tabata keda atministrá pa e organisashon di Nashonnan Uni.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login