Deporte
Medio òktober lo start ku kampeonato 2023: Ta bolbe kontribuí ku Little League..
• E Big Leaguer YDK i futuro “Hall of Famer” Kenley Jansen ku ta aktualmente ku Bravos di Atlanta lo bolbe kontribuí ku Curacao Little League.
Kenley Jansen mediante di su agente a komprometé pa nos muchanan di Little league bolbe haña bala di baseball pa e kampeonato benidero.
Ta e intenshon pa e kampeonato di baseball Little League di 2023 start medio òktober.
Via di e agente dje estrea YDK e balanan pa e próksimo kampeonato lo yega Kòrsou.
E aporte di Kenley Jansen naturalmente ta unu spesial paso e ta pone ku nos dirigente i muchanan di Little League no mester tin e preokupashon di bala baseball. Un biaha mas hopi danki na Kenley ku ketu bai ta demostra su tremendo kurason pa Kòrsou, hubentut i nos deporte, spesialmente Little League.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
