Connect with us

Lokal

Mark Mingo ta demandá OM pa miones di florin!

Published

on

PHILIPSBURG. Un notisia ku indudablemente a hasi impakto grandi den komunidat di Sint Maarten te hecho ku e èks direktor di aeropuerto Juliana na Sint Maarten, Mark Mingo a entrega demanda pa daño i perwisio kontra tur fiskal di Ministerio Publiko pe persekushon bestial kontra dje.
I pa finalmente e keda kompletamente eksonerá di tur kulpa dje kargonan ku e fiskalnan a presentá den korte. Promé ela keda apsolvé pero den apelashon Ministerio Publiko a haña un wes ku a hañ’é kulpabel, mand’é presu i konfiská su kas na preis di baka flaku.
Ela kontrata e èks fiskal Cor Merx su bufete pa entamá un demanda multi-mionario kontra gobiernu i Ministerio Publiko.
No menos ku shete fiskal ku a traha ku e kaso a pasa raya i awor a yega turno pa Mingo kobra nan pe daño ku ela sufri.
Ela pèrdè su trabou, ela pèrdè su kas i a pèrdè tur loke e tabatin.
Direkto i konkreto ela pèrdè 1 mion dòler pero indirektamente mas tantu.
Pa nan arestá hende ku tabata hasí negoshi ku e kompania di haf, nan a arestá i sera Mingo.
Ta for di 2017 nan a arestá Mingo riba sospecho di froude ku faktura falsifika i sinku aña largu e mester a bringa pa limpia su nomber i establesé su inosensia te ku resientemente ela keda totalmente eksonerá di tur kulpa.
Mientras tantu tur hende a kere ku Mingo tabata e gran malversadó den haf pero ora a investigá, ni su nomber no a kai.
Despues di a skòrs durante un aña, fiskalnan a disidi ku nan ta kulpa Mingo sin duné oportunidat pa defendé su kurpa.
Segun su abogado wesnan a faya ku Mingo ya ku despues ku nan a kondená Mingo, O’Neill Arindell i e politiko Frans Richardson, fiskal a haña ku mester pone mas preshon riba Mingo.
Menos mal ku korte a tira e petishon den bak’i sushi pero e fiskalnan a hiba e kaso Korte Supremo kaminda nan a apsolvé Mingo kompletamente.
Pió dje kaso ta ku Ministerio Publiko a atmiti ku nan a konvertí Mingo den un viktima i a laga e bandidunan mes-mes ku ta Theo Heyliger i Ton van Kooten tabata e kulpabelnan.
Mingo a pèrdè su trabou kui ela traha for di 2002 pero ela pèrdè su kas tambe.
Asina mes e ta dispuesto di yega na un areglo pa kobra daño i perwisio pasobra ela harta dje wega di polis en dief aki i ke pone e kaso su tras.

Continue Reading

Lokal

Biahenan pa eksterior sin resultado pa Kòrsou ta kontinuá!

Published

on

By

Anthony Godett

WILLEMSTAD – – Frakshon partido KEM a tuma nota ku turno a toka e biaha aki na 2 minister(señornan Javier Silvania i Ruisandro Cijntje) di gabinete Pisas 2, pa biaha pa Repúblika Dominikana.
Segun informashon suministrá pa e sekretario di Konseho di Ministernan(karta 25 di novèmber 2022 i ku a drenta parlamento ayera djaluna dia 28 di novèmber, 12.03 mèrdia), e 2(dos) ministernan ta biaha di dia 27 di novèmber te ku 4 di desèmber 2022 pa partisipá na e “XXV Conferencia de Zonas Francas Iberoamerica” di The Free Trade Zones Associations of the Americas (AZFA).
Frakshon KEM tin informashon ku e konferensha ta tuma lugá dianan 1 i 2 di desèmber na Punta Cana, Repúblika Dominikana, den e Hotèl Westin. Djarason dia 30 di novèmber tin programá un bishita na Parques Industriales de Zona Francas. Akinan a parti e gruponan den 2, unu pa shet’or di mainta i e otro pa och’or di mainta. Tarifa di entrada na e parke aki ta $ 300 pa kada miembro di AZFA.
Serka frakshon KEM e pregunta ta surgi mesora, pakiko mester a biaha tantu dia adelantá asina, pa asistí na e konferensha?
Frakshon KEM a bin komprendé, ku un delegashon amplio a realisá e biahe aki. Esaki ta nifiká atrobe gastamentu di plaka di pueblo, kaminda kantidat di hende ta pasando den temporada difísil, pa loke ta trata nan entrada!
4 tema lo ser diskutí durante e konferensha aki: 1.Teknologia/Inovashon, 2. Integrashon, 3. Sostenibilidat i 4. Resistensia.
Esakinan ta keda presentá pa señornan Mohamed al Muallem (visepresidente ehekutivo di DP World), James X Zhan(direktor divishon di invershon i empresanan di e konferensha di Nashonnan Uni tokante Komersio i Desaroyo), David Greenstein(fundadó/CEO di Wonder Brands), Antonio Novas Garcia(partner ehekutivo den kompania Mc Kinsey & Company).
Frakshon KEM ta di opinion, ku niun di e temanan ku lo wòrdu trata próksimamente, ta bai tin resultado pa pueblo di Kòrsou. Esaki , pa siguiente motibunan: 1. VISA pa bishita i kumpra den Zona Franka di Kòrsou. No tin determinashon pa realisá esaki. Tantu bal tin konektividat(aéreo) pero no tin posibilidat di/pa hasi negoshi. 2. No tin e faktornan kritiko di inovashon i teknologia nobo den Zona Franka di Kòrsou esaki ta nifiká ku no tin oumento di produktividat. 3. No tin integrashon i koperashon regional entre Zonanan Franka. Esaki ta stroba invershonnan i benta di tuma lugá. 4. E medio ambiente i e kambio klimatológiko. Mester tene kuenta, ku e kresiente prekupashon pa esakinan i pa Esaki pa e demanda kresiente pa produktonan mas sostenibel.
Frakshon KEM ta konkluí, ku partisipashon na e konferensha ariba menshoná ta di importansia. Esaki pa motibu, ku e invitashon a bini di e minister di Ekonomia i Komersio señor Victor Orlando (Ito) Bisonó, ku e 25 paisnan, ku ta forma e asosashon iberoamerika tei presente. Esakinan ta representá 700 Zona Franka, sòru pa 1 mion di trabou direkto i tin 10.200 empresa instalá den e 25 paisnan indiká. Simultáneamente mester atendé e 4 puntonan mas ariba indiká.
Frakshon KEM ta di opinion, ku NO por sigui hasi biahenan kostoso sin resultado.
Si riba tèrmino hopi kòrtiku NO eliminá e VISA, drecha e produkto pa ofresé invershonistanan i turistanan, Kòrsou ta keda dueila ku kranchi habrí.
Kòrsou su Zona Franka, si NO presentá un kambio den aserkamentu, maneho i tuma desishon, NO por kompetí ku otro Zonanan Franka den region.

Continue Reading

Lokal

Kolegio Erasmo ta selebrá luna di buki a la Bi-ba-bèrdè

Published

on

By

WILLEMSTAD- En konekshon ku Siman di Ban Lesa i luna di buki, Kolegio Erasmo a organisá diferente aktividat pa su alumnonan. E meta di e aktividatnan aki tabata pa animá e muchanan pa lesa i tambe alsa nan interes den buki. A habri e temporada ku Siman di Ban Lesa ku tabata mará na e tema di Bi-Ba-Bèrdè (Gi-Ga-Groen). Durante di e siman aki, diferente persona i outornan di buki, manera Richena Maduro, Denise De Jong-Rekwest i Ronny Lobo, a lesa buki pa e muchanan.
Despues di e siman di apertura, klasnan for di Yogatina (pre-eskolar) te ku grupo 8 a pone èkstra atenshon na tur loke tin di haber ku buki i kuenta. E muchanan a siña tokante di e diferente géneronan di kuenta, eskritornan i ilustradónan. Tambe nan a lesa kuenta pa otro i duna forma na e tema Bi-Ba-Bèrdè bishitando Curaçao Rif Mangrove Park pa siña tokante di e diferente sorto di pal’i mangel ku tin na Kòrsou, funshon di pal’i mangel, historia di e besindario di Ref i tokante di e flora i founa di e parke.
Pa sera e temporado, Kolegio Erasmo a invitá diferente persona konosí den nos komunidat pa bin lesa buki pa e muchanan. Entre e personanan aki tabatin nos minister president, Señor Pisas, Diannitsa Genaro, Glenda Sluis, Kate Ronald Martina Thielman, Judith Heldewier, Nihayra Leona, Bryan Goilo i Miriela Kwidama. Un tiki tokante di Kolegio Erasmo: Kolegio Erasmo un skol di fundeshi ku ta forma parti di Fundashon pa Skol Humanista na Papiamentu. Su fundeshi ta basá riba e filosofia Humanista i e ta e úniko skol na Kòrsou ku su idioma di instrukshon ta kompletamente na papiamentu. E aña aki Kolegio Erasmo ta selebrando su di 35 aña di eksistensia.

Continue Reading

Lokal

Señora divorsiá a bai reklamá pero….. Ya Inspektor a laga paga restitushon na èks esposo

Published

on

By

WILLEMSTAD Un korto sirkuito entrega di e aanslag definitivo riba balor di un kas di un pareha ku a divorsia a pone ku maske titulo di propiedat dje kas tabata riba nòmber dje muhé, Inspektor a duna òrdu pa paga e èks esposo e restitushon ku a paga di más na OZB tempu e pareha tabata kasá ainda.
E aanslagnan preliminar no tabata riba

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login