WILLEMSTAD (C) – Ayera nochi ta tin kontinuashon di e kampionato lokal di futbòl segundo divishon.
E ekipo sotanero Atomic a enfrentá e ekipo kual ta na promé luga ku ta e ekipo di Ud Tera Kora.
Tiki ta esnan ku lo a spera e resultado di ayera.
Den e partido di ayera e ekipo di Atomic ta pika dilanti kuun gol anotá na di 18 minüt di e promé tempu dor di Ediomar Wawoe. .
Pero Tera Kora mesora ta empatá esaki na di 25 minüt ora ku Rayckel Ricardo ta nota e gol aki
E partido ta bai sosegá empatá i den di dos tempu ta tòg Atomic kual ekipo kual na minüt 59 ta pika dilanti un bia mas ku gol di Sandy Cijntje i despues Gerson Matrona ta nota na di 80 minüt e último gol.
Ku e viktoria soprediente aki e ekipo di Atomic ta Sali for di den sotano i bai na penúltimo luga.

WILLEMSTAD (C) – Asila mes a kuminsá Hunga bala den bario riba plenchi di saliña. Aki mayoria mucha ta bai pa hunga den oronan di atardi i e tambe ta forma parti di e grupo aki
Un bisiña kende tabata sigi e gana ku Asila tin pa hunga bala a yamami i a disidí di hinka mi den un ekipo di softball Piri Piri. Den e ekipo aki mi a militá nèt un aña. Pero ma siña hopi i e deseo pa sigi hunga a kuminsá Aki por bisa mi karera den sòftbòl a kuminsá.

Despues mi a pasa pa e ekipo di Cardenales. Den Cardenales mi a hunga sòftbòl hopi aña i ku vários bon hungador di e tempu ey.

Ta den e ekipo di Cardenales nos a pone un paro na e racha di e Pichingolo, e tempu ei nos a hunga na Little League Ballpark.
Den e tempu ei den Cardenales nos a lanta un ekipo hubenil tambe pa duna aporte na formashon di hóbennan den bario.
Hungando bala den Cardenales mi wòrdu selektá pa vários selekshon pa bai representá nos pais den eksterior.

E tempu ei Kòrsou tabata forma parti di Antia.
Despues ku Cardenales a kibra mi a drenta Pichingolo pa un tempu largu tambe.

Hungando bala den Pichingolo, Nos goso a lanta un ekipo di 35+ mi a djòin Nos goso
Tanten mi tabata retirá tiki tiki for di fast pich. Pero a sigi hunga/
I awor aki mi ta dediká tempu na 35+ i 50+

WILLEMSTAD (C) – Iso su karera di sòftbòl a kuminsá na 1988 ku su 12 aña den e ekipo di The Rangers den kategoria Stimulans y durante di 3 aña a promové bai B-klasse i A-klasse, e tempu ey no tabata tin Little League Softball.
1990: Na edat di 14 anja, Iso a forma parti di Selekshon Hubenil ku a bai Puerto Rico enkabesá pa Soraida Juliana y e gran pelotero Ron Steward
E tempu ey Iso tabata e hungador di mas hoben di e selekshon.
1992-1993: Na edat di 16 anja Iso a kuminsá ekselá den e deporte den su totalidat
-Iso a ser invitá den Preselekshon di Antias Hulandes na edat di 16 aña
-Durante e mesun temporada ey, Iso a bira “Umpire” ofisial y skorer pa Little League baseball
Iso tabata skor weganan di sòftbòl tambe.
-Tambe tabata e temporada ku Iso a promové pa klase-AA komo miembro di e ekipo di Cardenales
1994: Na edat di 18 aña, Iso a eksperensiá su promé Kampionato Mundial di Sòftbòl komo miembro di Selekshon di
Antias Hulandes na Canada. Durante di e kampionato Mundial aki, Iso a dal su promé Homerun internashonal
kibrando un “No hit-No run” di e picher kontrinkante.
Entre 1992 pa 1998, Iso a forma parti di vários Selekshon Nashonal representando Antias Hulandes den diferente kampionato nan internashonal hunga diferente posishon.