Connect with us

International

Lula Da Silva a akusá Bolsonaro di fomentá violensia na Brazil

Published

on

Luiz Inacio Lula da Silva faborito pa gana elekshon presidensial na Brazil dia 2 di òktober próksimo.

SAO PAOLO – Luiz Inacio Lula da Silva kandidato presidensial pa e próksimo elekshon na Brazil a akusá aktual mandatario Jair Bolsonaro di ta fomentá violensia den e pais.
E motibu dikon Luiz Inacio Lula da Silva a akusá Jair Bolsonaro ta debí ku tabatin vários kaso di asesinato kontra simpatisadónan di Partido PT registrá den e último dianan ku a pasa aki. Tin un total di 13 kaso di asesinato registrá relashoná ku diskushon di ken lo ta mihó kandidato pa presidensia di Brazil.
Lokual tin na informashon ta ku tur esnan ku a keda asesiná tabata simpatisadónan di Jair Bolsonaro ku a mata esnan ku ta apoya Lula da Silva.
Tin hasta un kaso kaminda simpatisadónan a baha un muhé na estado for di su outo ku tabatin propaganda di partido PT i maltrat’é seriamente.
Luiz Inacio Lula da Silva a bisa ku a yega momentu pa Brazil kore ku un asesino ku ta plamando armanan rònt
e pais ku su sistema diktatorial.
Ta p’esei Luiz Inacio Lula da Silva a manda un mensahe pa e pueblo Brasileño pa bai vota masalmente dia 2 di òktober próksimo pa kore ku Jair Bolsonaro for di poder.

Continue Reading

International

Eks presidente chino Jiang Zemin (96) a fayesé

Published

on

By

Jiang Zemin eks presidente di China a fayesé.

SHANGHÁI – Jiang Zemin (96) eks presidente di China ku a okupá e puesto entre 1993 pa 2003 a fayesé.
Tin informashon ku Jiang Zemin kende tabata lider di PCCh ( Partido Comunista di China) den dékadanan 80 a fayesé na su residensia na Shanghai.
Lokual ku por a komprondé ta ku Jaing Zemin te ku aña pasa tabata den bon estado di salu pero na komienso di e aña dòkternan a bin konstatá ku e tabatin Leukemia.
Jiang Zemin a nase na 1926 na Yangzhou i a keda nombra sekretario general di e partido PCCh na 1989.
E último aparishon públiko di Jiang Zemin tabata dia 1 di òktober di aña 2019 ku ta Dia Nashonal i selebrashon aniversario di proklamashon di Repúblika Nashonal di China.

Continue Reading

International

Ministerio di Agrikultura: Na Ecuador a deklará emergensia sanitario pa brote di influenza aviar

Published

on

By

Ministerio di Agrikultura na Ecuador a deklará ku tin un emergensia sanitario pa brote di influenza aviar.

QUITO – Ministerio di Agrikultura i Ganadería a deklará ayera ku tin un emergensia sanitario pa 90 dia despues debí ku a detektá un brote di influenza aviar den vários finka ku ta kria galiña di e pais.
Ta p’esei e Ministerio di Agrikultura i Ganadería durante siguiente 90 dianan no por mobilisá ningun produkto di orígen aviar manera webu, puitu, galiña i patu pa ningun otro finka pa evitá un brote.
E promé kaso di influenza aviar altamente kontagioso a keda detektá tres dia pasa na un finka na e provinsia ku yama Cotopaxi.
Tur e kriadero di galiñanan ku tin na Ecuador huntu tin 263 mion galiña i lokual a keda detektá ta solamente 180.000 galiña ku ta afektá ku e influenza aviar.
Ta p’esei Ministerio di Agrikultura i Ganadería lo tin ku bai sakrifiká e bestianan aki pa evitá un brote di influenza aviar na e finka nan na Ecuador.
E sektor aki na Ecuador ta generá anualmente $1.800 mion i a bin ta krea 300.000 kupo di trabou.
Segun e Ministerio di Agrikultura i Ganadería na Ecuador
entre yanüari pa novèmber e finka nan ku tin kriadero di galiña a produsí 495.000 tonelada di karni di galiña i 3.812 mion webu.

 

 

Continue Reading

International

Segun presidente Maduro: Venezuela tin serka di $ 30.000 mion blòkia den eksterior

Published

on

By

Nicolas Maduro durante su rueda di prensa.

CARACAS – Nicolás Maduro presidente di Venezuela a sigurá ayera ku su pais tin entre $24.000 pa $ 30.000 mion blòkia den eksterior i ku esaki ta produkto di e sanshonnan ekonómiko Internashonal.
Durante Nicolas Maduro su rueda di prensa den Palacio de Miraflores a bisa ku ta trata aki di fondonan di estado venesolano ku ta kongelá, blòkia i sekuestrá.
E mandatario a bisa ku gobiernu tin un plan pa repatriá tur e plaka ku a keda inhustamente kongelá i blòkia pa Merka i paisnan den Union Europeo.
Ya kaba tin informashon ku Banco Central de Venezuela tin na su disponibilidat $3.000 mion ku lo keda repartí na asuntunan sosial pa e pueblo venesolano.
Tin hopi proyekto sosial ku tabata stanka i ku lo bai keda finansiá ku e fondonan aki segun presidente Maduro.
E fondonan aki tabata keda atministrá pa e organisashon di Nashonnan Uni.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login