Deporte
Luis, “King Kong” Ortiz: “Lo tin nòkout sigur den e pelea”…
· E bòksdó heavyweight cubano Luis, “King Kong” Ortiz ta konvensí ku lo tin nòkout den e kombate di mañan ora ku e topa ku Andy Ruiz Jr. Ortiz ku ta un heavyweight slengu a bisa ku e la prepará ku seriedat pa e kombate. “Mi lo subi pa hasi loke kumi mester hasi. Mi sa ku Andy tambe ta bini pa gana.
Esei mi ta sigur di dje.
Ta riba ring nos ta sa loke ta pasa. Riba ring tur kos por pasa. Bo por deskuidá i bo ta haña nòkout.
Riba ring tur kos ta posibel”, e veterano di 43 aña di edat a deklará. “King Kong” Ortiz no a bini Merka prinsipalmente ku e intenshon pa bòks. E la hui for di Cuba na 2009 pa buska salú pa su yu muhé ku tabatin un malesa di kueru.
El a bringa na Cuba i no tin fama di otro boksdonan manera otro boksdonan grandi, pero tur hende sa ku e ta un bòksdó peligroso ku riba ring por hasi daño na kualke rival.
Luis Ortiz tin rekòrt di 33-2-0, ku 28 triunfo pa via rápido.
E ta topa ku e eks kampeon mundial Andy Ruiz Jr. ku tin rekòrt di 34-2-0, ku 22 nòkout.
Andy Ruiz Jr. ta bek huntu ku su Tata despues di pasa algun tempu ku Eddie Reynoso den “Camp” di Canelo Alvarez.
E kombate entre Luis Ortiz i Andy Ruiz Jr. ta mañan.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
