Deporte
Lernnerth Angela, GM di nos selekshon: “Hopi orguyoso dje muchanan”..
• Deporte 5 Star a kombersá ku Sr. Lernnerth Angela ku a bai ku e selekshon di sòftbòl femenino fastpitch di nos Argentina.
Nos muchanan a keda na di tres posishon den e kompetensia i por mira atras riba un aktuashon balente.
Lernnerth a bisa 5 Star ku e ta hopi orguyoso di nos muchanan.
Segun Lernnerth nos muchanan a duna tur ku tin. Tabatin sigur 5 pa 6 mucha ku tabata malu e último wega.
Apesar di esei nan a duna tur ku tin den e último wega.
“Tabatin hungadó ku keintura ku nos mester a trata ku paracetamol hinter anochi pa por hunga vs Argentina”, asina Lernnerth Angela a deklará.
Nos muchanan a keda na di 3 lugá den e kompetensia Sur Amerikano pèrdiendo 3-1 vs Argentina ku despues a gana di Brazil pa bira kampeon di e kompetensia. “Nos por ta hopi orguyoso di e muchanan”, asina Lernnerth Angela a deklará.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
