Deporte
Lennert Angela, GM di nos selekshon di sòftbòl femenino: “Lo bai ta tòf”…
Lennert Angela ku ta e General Manager di e selekshon sòftbòl femenino fastpitch ku lo hunga na Virgin Islands tratando na kampeonisa pa asina gana partisipashon den Juegos Centro Americano y del Caribe na El Salvador.
Angela den kombersashon awe mainta ku Calili Ruiter den e programa deportivo mas skucha di Radio Difushon a bisa ku lo bai ta un tarea tòf klasifiká pa Juegos.
E la splika ku tin di bai traha duru den un tempu difísil pa por logra lo máksimo.
Ounke kisas no ta e nivel di mas haltu den region, esnan ku bini lo bende nan kueru karu.
“Nos sa ku Virgin Islands tin algun sòftbolista na skol na Merka, Bahamas tin su muchanan, Belize a yega di ta den tòp dje deporte hopi aña pasá.
Aruba lo por trese algun hungadó for di Ulanda, i bin buska e klasifikashon pa Juegos.
Nos tin di hasi máksimo esfuerso pa ta mas mihó ku ta posibel”, asina e la deklará den Deporte Hoyer.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
