Deporte
Lebron James a firma pa 2 temporada ku Los Angeles Lakers
LOS ANGELES (C) – Fanatikonan i hungadónan di e ekipo di Los Angeles Lakers sigur ta hopi kontentu ora ku nan a tuma nota di e notisia di ESPN ora ku esaki a duna di konosé ku e gran basketbolista di 37 aña Lebron James a alarga su kontrakt ku 2 temporada mas pues te 2025.
Pero e ekipo mes di Lakers no a konfirmá e notisia aki ainda
Pero un kos ta sigur ku e hungadó sigur lo ta di gran aporte pa e ekipo.
Tur hende ta pendiente ora ku bia pasa e ekipo no a logra bai play off i esei a pone ku tur fanátiko ta tin miedu ku Lebron James lo ta bandoná e ekipo.
Segun ESPN t’asina ku e ta bai risibí un bon suma pa e dos temporadanan aki. Nan ta papia di e suma di $95 mion.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
