Deporte
Lamentablemente: Hobensita prospekto no ta hañando niun yudansa…
Deporte 5 Star kaminda di bèrdat bo ta sinti kurason di nos deporte bati a komprondé di un amigu di nos ku tin un hobensita na Bándabou serka di kas di su mayornan ku ta hasiendo “papel” den landamentu sinkronisá i sin ta haña práktikamente niun sosten.
Nòmber dje mucha muhé aki di 12 aña ta: ADINEDD TOKAAY.
E la gana medaya di Oro resientemente na Portugal i kasi sin yudansa, su mayornan ta hende humilde i tin di traha duru pa yuda e hobensita aki.
Tin biaha bendiendo lot pa e mucha por representa Pais.
Ora nan a aserka pa yudansa a manda nan FIBA, ku a yuda ku algu i danki tambe na poko yudansa di MCB ku e talentoso landadó di sinkronisá aki por a yega Portugal i gana Oro.
E la saka potrèt ku bandera di su tim Bándabou Splash.
E amigu di nos di Bándabou a konta nos e historia aki yorando.
5 Star a komprondé ku Adria Kooman ta traha ku alma i kurpa pa e muchanan di Bándabou Splash.
Nan ta train na su kas. Segun nos amigu tin interes pa e mucha hóben aki na Estádos Unídos.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
