Deporte
Laman ta bon: Hup Hup Jong Colombia a bira brabu i ta gana ayera 1-0
WILLEMSTAD (C) – Ayera ta tin kontinuashon pa loke ta trata e kaya 6 di nos promé divishon
Ta e ekiponan di Jong Colombia kende den nan promé enkuentro den kaya 6 a Sali gana di Scherpenheuvel ku skor di 1-0.
Nan a enfrentá e ekipo di Centro Dominguito den e wega aki
E ekipo di Jong Colombia inspirá i bou di animashon di nan públiko meskos ku e último partido a bin pa hunga bala ku alma i kurpa. Paso ta un meta e ekipo aki tin. Esaki ta pa demostrá ku e ekipo tei pa keda den promé divishon i si nan logra kaya 6 nan lo bira peligroso
Esaki nan ta demostrando tambe den e weganan aki. Ayera ta e ekipo di Jong Colombia ta pika dilanti na di 30 minüt ora ku Jervine Mook nota e úniko gol di e partido
Den di dos tempu ámbos ekipo a risibí chènsnan pa por a hinka gol
E ekipo di Centro Dominguito ta trata na ataka pero sin resultado
Lastimamente ku e hóben Kastaneer mester a bai poli pa tratamentu i nos ke deseá e hóben aki pronto rekuperashon.
Jong Colombia ku e tres puntonan aki tambe ta bai enkabesá e tabla di kaya 6 huntu ku Jong Holland, i ámbos tin 6 punto.Sigur un resultado ku hopi hende lo no a pronostiká
Fanatikonan di Jong Colombia a bin na boshi atrobe pa a animá nan ekipo i na Boca Sami tambe nan a selebrá e triunfo aki.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
