Deporte
L.A Clippers lo pèrdè: Paul George pa sigur 3 siman debí na leshon
LOS ANGELES (C) – E ekipo di basketbòl L.A. Clippers lo tin problema ya ku nan lo pèrdè nan hungador Paul George kende ta nan astro ku ta nota por lo ménos 24.7 punto pa wega a risibí un sker na su èlebog drechi. Esaki ta bira nan di dos bon hungador ku nan ta pèrdè. Promé tabata Kawhi Leonard kende nan a pèrdè kasi henter e temporada aki kaba.
For di 6 di desèmber último George a risibí e leshon aki durante un partido kontra di Portland. Ela keda algun partido for di kombate.
Despues ela bin sali hunga kontra di San Antonio kual ela nota 25 punto i atrobe mester a keda afó i awor e ekipo ta mustra ku e lo bai ta afó pa sigur 4 siman.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
