Deporte
Kwartier Stars A Tuma 33 Kareda den 2 Wega: Carrol Servania 7IP, 5 H, 7 KO, 0 BB, 0 KAREDA…
Carrol Servania lansado prinsipal di Sta. Maria Pirates tabatin un ekselente‘aktuashon den e wega di ayera vs e tim di Groot Kwartier Stars. Carrol a tira 7 inning, permití 5 hit, sin duna kareda, sin tira base por bola, i poncha 7 batido.
Servania tabatin un aktuashon realmente briante riba montikulo.
Di otro banda e tim di Kwartier den 2 wega vs Sta. Maria djadumingu i djaluna a tuma no ménos ku 33 kareda. 21 kareda djadumingu i 12 kareda den e wega di ayera nochi.
E Piratanan a bati 13 hit, Denzel Gregg a bati di 5-3, ku 2 kareda empuhá.
Johnny Gregorius i Darren Seferina tambe a empuhá 2 kareda. Zairich Daal a habri pa e tim di Carlos Pineda i tuma 7 kareda den 1.2 di inning.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
