Deporte
Kubriendo nos deportistanan tantu na nivel lokal komo internashonal ‘Home Team’ ku proyektonan grandi pa aña 2023
WILLEMSTAD – Kos bon ta di apresiá i di balorá i esei ta e kaso tambe di e programa ‘Home Team’ di spònser pa CTB i ku ta ser transmití via nos planta nashonal Telecuraçao i NOSTV na Boneiru i ku pronto lo ser transmití na St. Maarten tambe.
Manera ya pa hopi aña kaba ta e kaso, e meta prinsipal di e programa ‘Home Team’, kondusí pa Glenn Thomas i Clinton Kirindongo, ta pa kubri nos mes deportistanan en general i nos peloteronan profeshonal en partikular.
Home Team tin un estrecho relashon ku MLB i rekonosementu pa e kobertura di nos peloteronan.
Apesar di tur e difikultatnan finansiero ku mundu ta konfrontando aktualmente i e difísil ku ta pa logra kubri diferente gastu pa realisá diferente proyekto, e programa Home Team por wak atras riba un aña 2022 sumamente produktivo i positivo.
Durante 2022 e programa Home Team a logra kubri diferente proyekto, tantu lokal (Kòrsou) komo internashonal (eksterior), ku a involukrá nos deportistanan.
Hopi ta e diferente deportenan na Kòrsou ku a risibí atenshon durante e aña tras di lomba.
Algun di e proyektonan ku mas a resaltá na nivel internashonal tabata kobertura di diferente aktividat deportivo na:
· Aruba (Baseball in paradise)
· Boneiru (Windsurfing, Pro Kids i Pony League baseball)
· St Maarten (Caribbean Invitational Tournament)
· Hulanda ( Haarlemse HB week )
· Repúblika Dominikana (Serie di Caribe Little league)
· Merka (Little League World Series na Williamsporti, MLB ku a inkluí tambe e World Series 2022).
Home Team no ta sosegá i pa 2023 tantu Glenn komo Clint ta trahando duru pa realisá algun proyekto grandi ku ta inkluí entre otro e Serie del Caribe, ku ta tuma lugá na Venezuela, i e WBC 2023 ku ta tuma lugá na Chinese Taipee i Miami.
Pero pa kumpli ku e proyektonan aki mester di e sosten finansiero i pa e motibu aki mes Home Team ke gradisí su spònser prinsipal ku ta CTB i e demas spònsernan ku ta Cinex, FDDK, OWCS, Landsloterij, The Lizard Inn Boneiru, PB Car Rental Boneiru, Resort Bonaire i Gobièrnu di Kòrsou ku durante 12 aña a koperá ku e programa.
Un danki spesial tambe na esnan ku a koperá ku 1 proyekto speshal ku ta;
Curoil, RBC, Mr & Mrs Exclusive, Lata Lata, Vanddis i BT&P.
Un danki di kurason ta bai na Telecuracao i NOSTV na Boneiru ku a kere i a depositá su konfiansa den e konsepto ‘Home Team’.
Di parti Glenn Thomas i Clinton Kirindongo ta bai un danki spesial na tur deportista, federashonnan deportivo i pueblo di Kòrsou en general pa aseptá ‘Home Team’ i a hasié parti di nan.
Na tur spònser un danki spesial pa e konfiansa i nos ta konta ku e sosten pa 2023 tambe.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
