Deporte
Ku bon pitcheo di Rob Whalen: Mayaguez kampeon di Puerto Rico… 2 YDK Den Tim: Josh i Richie Palacios !!
E tim di Indios di Mayaguez a bira kampeon di baseball invernal di Puerto Rico ayera ora ku nan a gana di Gigantes de Carolina ku skor di 2-1 den tremendo partidaso.
Tabata e lansado estrea Rob Whalen ku a tira 6.1 di inning briante, permitiendo 4 hit i ponchando 7 batido pa yuda e tim di Mayaguez gana i bira kampeon dje liga invernal Puertoriqueño.
Den e tim di Mayaguez ta hunga dos pelotero di famia YDK.
Nan ta Josh Palacios i Richie Palacios.
Nan ta famia di nos amigunan di deporte Palacios. Josh ta hunga den outfield.
E la yega di hunga den Grandes Ligas ku Toronto Blue Jays.
Richie Palacios ta hunga segunda/base, e ta dje organisashon di Indians di Cleveland.
Ku tur probabilidat nan lo ta den Serie del Caribe kaminda ku nan lo topa ku e representashon di Korsou den stadion La Rinconada di Caracas.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
