Deporte
Korte Spaño a deklará Neymar liber di kaso di Froude
MADRID (C) – Un wes den korte Spaño a deklará Neymar liber den kaso di froude kual ela keda akusá di dje.
Esaki ta e akusashon ku ta tin relashoná ku e transferensia di Santos pa Barcelona.
T’asina ku e ministerio públiko den òktober a disidí di hala den tur e aktuashonnan kontra di dje
Huntu ku Neymar, tambe su mayornan, nan kompania i tambe eks presidentenan di e ekipo Barcelona kendenan ta Sandro Rosell i Joseph Maria Bartomeu a keda liberá for di tur e akusashonnan aki.
No tin prueba sufisiente pa esaki pa sa si bèrdat Neymar a risibí plaka èkstra pa por firma ku Barcelona.
Anteriormente t’asina ku fiskal a pidi un kastigu di prison di 2 aña pa Neymar i tambe mester a paga un but di 10 mion euro.
Pa loke ta e kastigu t’asina ku na Spaña di dos aña pa e promé bia ku bo keda kondena bo no ta bai sera i mas bien e ta bira un kastigu kondishonal.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
