Deporte
Kòrsou Pabou ta bira kampion i ta bai representá Kòrsou
WILLEMSTAD (C) – E kampeonato latino intermediate a yega su final ora ku den e wega final e dos ekiponan di Kòrsou a enfrentá otro.
Ta trata aki di e selekshon di Pabou kontra di Pariba.
Tur dos selekshon ta un ku tin hopi talento i bon hungadó aden
Tabata net e dos selekshonnan aki ku ta mustra hopi superior riba e otronan manera Mexico , Aruba i Colombia.
Liga Pabou sigur di un forma invikto.
Den e wega kual nan dos a enfrentá otro e ekipo di Pabou a gana fásil 15-0 di Pariba.
Pa loke ta trata e weganan entre e selekshon di Mexico konta Aruba e muchanan di Mexico a sa di gana i keda na di tres luga.
Anto den wega final e selekshon di Korsou Pabou a gana den un wega ku Korsou Pabou sigur a sali brabu i a pika dilanti den e skor di 5-1 . Pero e selekshon di Korsou Pariba a pone mas emoshon den e wega ora ku nan a bin bek den wega i empatá esaki na 5 kareda
Pero e ekipo di Pabou ta sigi pone koredor na base i nan bateo ta sigi bati oportuno i nan ta sigi nota i a hasi e wega 11-5 i pa finalmente e wega kaba ku skor di 11-6.
Esaki ta pone ku e hóbennan di Korsou Pabou ta gana i bira kampion di un forma invikto .
Esaki ta pone ku nan ta bai representá latino amerikano den e mundial ku ta tuma luga den siman di promé pa 8 di ougùstùs próksimo.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
