Deporte
Korsou a gana fásil di Nicaragua ku skor di 7-2
WILLIAMSPORT (C) – E selekshon di Korsou ayera den un tremendo wega a sa di gana di e selekshon di Nicaragua.
Korsou ayera a kuminsá ku su as picher Rijke riba montikulo debí ku e ekipo ta tin mester di e viktoria aki. Anto un bia mas nos por a mira e hóben aki humilde I di un forma trankil a subi I a tira 15 ponche,
Esaki ta pone ku e ta bira e promé picher ku ta logra tira mas ku 13 ponche den dos wega .
Sigur un gran logra pa e hoben i mesora e ta lanta interes serka skoutnan.
Korsou mesora a sali nota dos kareda den e promé entrada I den di dos entrada nan a bolbe nota 3 kareda pa den di 4 entrada nan ta logra nota 2 kareda mas ku ta sufisiente pa nos gana.
Nicaragua a kuminsá move nota un I kareda mas den di 6 entrada ora ku e promé batido ta sali konektá un homerun p’asina hasi e wega 7-2.
Davey -Jay Rijke ta dal e siguiente batido ku bala I pone na base kual a bira momentu pa e coach sali papia kuné pa trankilise. Di otro banda nos a tuma nota kon manager di e selekshon di Nicaragua ta swai man den direkshon di nos picher Davey -Jay Rijke. Mener kisas dor di su nervio no sa ku hit by pitch ta parti di wega e ta. Sigur un akto di onsportief.
Nos picher ta sigi pèrta brasa i asina Korsou ta gana I ta hunga awe tardi pa 3 or kontra di Mexico den e semi final aki.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
