TEHERAN – E mundial di futbòl na Qatar aki a trese bastante drama tantu riba vèlt komo den kaya ora fanatikonan ta selebrá viktoria of derota di nan selekshon.
Kiko a pasa na Bandar Anzali ku ta keda na parti nortost di Teheran ta ku un hòmber Iraní identifiká komo Mehran Samak (27) fanátiko di selekshon nashonal di futbòl di Merka a sali un bar i tabata kontentu ta selebrá.
Tabatin hopi fanátiko di Iraní riba kaya rabia i e último lokual nan tabata kier a wak ta un fanátiko di Merka nan dilanti ta selebrá.
Mehran Samak konosí komo un tipo instigador a disidí na bai selebrá viktoria di Merka pasando den kaya ku su outo ta basha pitu i grita ku Merka a gana Iran. Den e kaso aki Mehran Samak su festeho no a dura largu ya ku e no a yega muchu leu for di e bar ku ela sali ya ku fanatikonan di futbòl Iraní a sefta su outo ku bala.

NAPLES – Michelle Batten bosero di kuerpo polisial na Naples a konfirmá ku un konosido siruhano plástiko ku mas ku 25 aña trahando komo dòkter a keda detené i laga den libertat resientemente relashoná ku violashon di dos pashènt muhé.
E promé kaso a keda registrá na luna di òktober na momentu ku un pashènt (51) a akusá dòkter Eric Andrew Salata (54) di a mand’é leu pa despues tene relashon seksual kuné.
Despues tabatin otro pashènt (71) ku tambe mester a hasi sirugia plástiko serka Dòkter Eric Andrew Salata i ku tambe a keda violá.
Michelle Batten a splika ku Dokter Eric Andrew a keda detené i ku wes Michael Provost a lage den libertat bou di un fiansa di $100 mil.
Tin informashon ku Dokter Salata tabata sosio na “Pura Vida Medical Spa” kaminda ku despues ku ela sali for di sentro di detenshon na Naples.
Segun empleadonan na “Pura Vida Medical Spa” dokter Salata a kuminsá haña yamadanan di menasa di morto.
Debí ku koleganan di Dokter Eric Andrew Salata no a tende mas di dje a disidí na yama polis pa bai wak su drechi i a bin hañe morto ku un tiru di bala den kabes.
E kaso aki ta bou di investigashon i ku posiblemente elo por a keda asesiná of ela kometé suisidio.

Willemstad.- E programa popular di tur atardi, “Bonochi Kòrsou” transmití via Telecuracao di 6 or pa 7 or i presentá pa e konosido “Kafesito” German Gruber Sr. Lo trese e siman aki un serie dokumental ku ta enserá importansha di e aporte pa nos pais di miembronan di komunidat portugues radiká na Kòrsou for di yegada di e promé portuguesnan te n’e momentunan aktual.
E ta un programa dokumental ku dor di su durashon, mester a dividi’e na tres pida, ku lo pasa djamars 29, djarason 30 i djaweps 1 di Desember, den e orario akostrumbra di “BONOCHI KÒRSOU”, esta 6 or di atardi.

E programa ta kontenè testimonialnan i entrevista ku diferente miembro di komunidat di Kòrsou, mayoria di nan portugues, ku ta splika e motibu i manera di nan yegada na Kòrsou i diferente aspekto ku nan a konfrontá pa por a sobreviví den e tempunan tumultoso di guera mundial i pa establesé den un pais kompletamente desko-nosí pa nan mayornan, kaminda hopi di nan no tabatin posibilidat pa hasi negoshi, ni pa establese di un manera konfortabel pa nan famia. Nan a lucha, traha i sobresalí di tal forma ku nan a logra establesé nan negoshi, nan yunan a bai studia i prepará i awendia gran mayoria di nan ta kombibí integrákomo parti di nos komunidat di