Connect with us

Lokal

Konteiner ku droga tabata bai Hulanda kamuflá den kalki di Mijnmaatschappij

Published

on

WILLEMSTAD. Den luna di september aña pasá un periodista hulandes a bin pone man riba dokumentonan konfidensial ku ta mustra ku un banda kriminal di narkotrafikante ku ta registrá den historia polisial komo “Oostelijke verdachten” tabata risibi konteiner ku hopi kokaina for di Kòrsou i durante un entrada hudisial polis a haña tasnan yen di kokaina den un Fiat model Punto.
· E grupo di sospechoso ku tabata dilanti wes na Hulanda a ser akusá di a trafiká sigur 200 kilo di kokaina di Kòrsou pa Oost-Nederland. Siudatnan ku ta keda den region di Oost-Nederland ta entre otro Enschede, Zwolle, Kampen i otronan.
Te dia polis antidroga a desbaratá e Organisashon, hustisia ta kalkula ku nan a manda 200 kilo di kokaina for di Kòrsou.
Aktualmente tin seis sospechoso den detenshon preventive despues ku agentenan di e grupo Tartarus21 a desenmaskará nan despues di un investigashon largu.
Aparte di trafiko di kokaina, hustisia ta akusando nan di komplisidat den e asesinato di abogado Schol komo organisadónan dje atentado.
Un kriminal notorio ku hustisia tin registrá ku e apodo ‘Caballero’ i ku tabata poderoso den e region di Oost-Nederland ku trafiko di droga entre oro e yerba hennep.
Na tur e banda di trafikante a manda kokaina pa balor di 15 mion euro Hulanda I tabata lentando un kompania pa duna e negosha un toke di legalidat.
Hustisia a konfiska un telefon ku e programa di kodigo Sky ku datonan balioso.
E organisashon kriminal tabatin un kompania naviero tambe ku sinku barku ku por nabegá rònt mundu.
Reshershe hulandes dado momento a arestá Caballero nan a hañé ku datonan di embarke di Mijnmaatschappij na Kòsoui ku fechanan ku e ta zarpa i ku entre otro nan a manda konteiner kuater biaha pa Kever Sales na Silvolve for di 2020 bin ariba.
Koleganan di RST na Kòrsou a opservá kon tabata yena e konteiner number TCNU1683313 den bahia di MijnMaatschappij ku piedra di kalki den kual nan a skonde kokaina.
E mesun dia e barku ‘Baltic Klipper’ a zarpa via Aruba, Colombia i Costa Rica rumbo pa Vlissingen.

Continue Reading

Lokal

Análisis di krímennan di impakto haltu

Published

on

By

WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.

Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.

Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.

Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).

Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).

Violensia relashonal
Kantidat: 15

Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.

Continue Reading

Lokal

JCI Dutch Caribbean a elegí i instalá su direktiva nobo

Published

on

By

WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.

Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na [email protected]
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.

Continue Reading

Lokal

Inisio ofisial di e Kódigo di Protekshon

Published

on

By

WILLEMSTAD. Simbolikamente ku un dede primí riba konòpi minister Ruthmilda Larmonie-Cecilia huntu ku su kolega minister Sithree van Heydoorn, Shalton Hato en Dorothy Pietersz-Janga a duna inisio pa ku implementashon di e Kódigo di Protekshon.
E direktor di UNICEF di Hulanda, mevrouw Suzanne Laszlo, tabata presente na e kick-off.
Ela duna un palabra di apresio pa ku e aserkamento interministerial di e Kódigo di Protekshon i di e resultadonan ku konhuntamente a logra.
E Kódigo di Protekshon ta parti di aserkamento integral ku gobièrno di Kòrsou ta uza kontra di maltrato di mucha i violensha relashonal.
Banda di konsientisashon riba formanan positivo di formashon pa mucha i lantamento di un punto di registrashon nobo, e kódigo di protekshon ta un akshon importante pa ku un manera konstruktivo pa por señalá maltrato di mucha i bringa violensha relashonal den un fase prematuro i pa parele na tempu.
E Kódigo di Protekshon ta un kódigo ku ta bai wòrdú uza dor di grupo di profeshonan na Kòrsou ku ta aktivo den e sèktor di bienestar, enseñansa, salú i hustisia. Ku e Kódigo di Protekshon lo traha palabrashonan fiho, kon e profeshonalnan por identifiká maltrato di mucha i kon ta atende ku violensha relashonal. Siguiente pa sa ki pasonan mester tuma pa por invitá un situashon ku no ta seif òf kon direktamente por para e maltrato.
Ta e intenshon ku den un futurp serkano ku tur e profeshonalnan por apliká e Kódigo di Protekshon aki. E ta konta pa profeshonalnan ku ta traha direktamente ku mucha i adulto, manera dòkternan di kas, speshalistanan, trahadonan ku ta den kuido, verplegster, dosentenan o maestronan di skol i trahadonan soshal i otro profeshonalnan ku ta aktivo den vèlt.
Pa por prepará tur e profeshonalnan aki pa ku e manera nobo di traha Ministerio di SOAW a instalá un ekipo di implementashon. E ekipo aki ta konsistí di e lidernan di trayekto di kada ministerionan envolví.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login