Sr. Cesario La Croes

Nase na Kòrsou 14 Yanüari 1936.

Señor Cesario La Croes a kuminsá su karera komo maestro di skol básiko. Despues e la sigui kaminda e la fungi na Akademia Pedagógiko komo Dosente ku  ta guia traha riba formashon di maestronan di skol i hasi nan kompetente pa duna aritmétika realístiko na skol (antes básiko i awro skol di Fundeshi).

Na momento ku e tabata eduká nos muchanan e la nota ku den skolnan tabatin nesesidat pa mehorá e área di aritmétika i matemátika, pa e motibu akí e den su oranan liber e la yuda hopi muchanan di e besindario di Soto i Barber pa pone nan konosementu riba e dos materianan akí riba nivel, a la bes e tabata yuda e hóbennan akí deskubrí i desaroyá nan mes riba diferente tereno.

Tambe su pashon pa konstrukshon tékniko a hibá e pa yuda den centro pre-eskolar kaminda el a guía e renobashon pa logra amplia tur e áreanan di e sentro pre-eskolar (sala di beibi, kura, kushina ets.) i krea mas espasio pa e formashon na nivel por tuma lugá.

Na aña 1970 el a kuminsá eksperimentá ku diferente método nobo pa por siña e muchanan mas mihó pa asina nan por komprondé aritmétika/matemátika.

E pashon grandi pa matemátika i aritmétika a pone ku na kua pais ku e la bai, e tabata bai bishitá diferente skol pa sigui enrikesé su konosementu riba e tereno akí. 

El a sinta komo presidente di direktiva i duna hopi konseho na tur ku tabatin mester den e ramo di pedagogia, duna kontenido na sentronan di mucha, skirbi guiá pa guiadó i kon nan por sigui desaroyá nan mes, duna diferente workshop i tabata miembro aktivo di e sindikato Sitek.

___________________________________________________________________

Sra. Maria Diwan 

Nase na Kòrsou 30 di Sèptèmber 1939.

Sra. Maria Diwan a kuminsá traha ku 16 aña komo sekretaria serka famia Pinedo. Pa 61 aña largu “Mama Maria”, manera tur e empleado nan tabata yam’é, a sirbi e empresa. Den su oranan liber e ta organisá eventonan pa e trahadónan di Coca Cola i pèrkurá pa e empleado nan tin plaser den nan trabou.

Mari ata stima su trabou i ta traha ku amor i ta masha dediká. El a disidí ku e no ta baha ku penshun pero sigui duna su grasia na su trabou pa medio di su presensia ku e ta iluminá e empresa kuné.  Nos ke remarká ku den silensio e ta yuda hopi persona ku tin nesesidat finansiero, sin a dibulgá esaki.

Su stèm trankil i sin igual ku tur hende konosé pa medio di su programa radial “Den Kibrá di Marduga” ku ta masha inspirativo, ta drecha tur radio oyente su dia.

E ta yuda hopi hende di terser edat moral i ekonómikamente. Tambe e ta organisá pa esnan ménos pudiente sena di Pasku ku un regalo simbóliko aserka.

E la skirbi diferente buki pa mucha i poesia den nos dushi idioma Papiamentu i ku esaki e ta duna mustro ya pa años ku e ta un real protektor i defensor di nos dushi lenga Papiamentu. El a enrikesé i engrandesé nos literatura nan na ku diferente produshon manera: Chimichimi, Solota Sali pa abo tambe, Union muhé Antiano, Awa fresku i hopi mas.

____________________________________________________________________

Sra: Grace Goede

Nase na Kòrsou 21 di Yanüari 1948.

Sra. Grace a kuminsá su trayektoria komo dosente di skol básiko na St. Clara school na Jandoret den transkurso di añanan el a sinta komo direktor di diferente skol 1964 te ku 2003 i asina e la eduká diferente generashon.

Sra. Grace semper ta kla pa yuda i komo dosente hopi biaha e la hañe konfrontá ku famia nan den nesesidat i di su mes medionan e la yuda nan.

Riba tereno di “padvinderij” sra. Goede ta ainda aktivo i a destaká nashonal i internashonal komo embahadora di nos dushi Kòrsou pa ku e mishon di padvinder, kual ta prepará hóbennan pa por tuma e desishon moral korekto. E mishon ta basá riba e prinsipio nan di integridat, rèspèt, kerensia, kuido i koperashon.

Na momento ku “Prinses Wilhelmina Fonds” tabatin mester di yudansa, sra. Goede a ser un motor pa e organisashon aki.

sra. Goede ta un motor den diferente organisashon k uta yuda nos komunidat e ta:

• Sekretaria Fundashon Hemayel Martina
• Miembro di Padvindervereniging van de Nederlandse Antillen (PNA);
• Miembro di komushon vishon Kòrsou;
• Miembro di Curaçao Association for Supervision for Curriculum Development;
• Miembro i èks presidente di achievers toasmastersclup;
• Miembro di fundashon Prinses Wilhelmina Fonds.

________________________________________________________________

Sr: Ludwig Muyden

Nase na Kòrsou 14 di Yüli 1940.

Sr Ludwig 

Sr. Ludwig Muyden a desplegá diferente trabou boluntario den nos komunidat e.o. kordinadá di lès di músika na Kinderoord Brakkeput na 1998 pa 1999.

Ela sòru pa instrumentonan musikal i a duna lès  di kuarta  i di kitara .

Tambe e tabata boluntario na Betesda for di 2001 te ku awor.

E tabata bishita e habitantenan pa duna nan lès di músika. Aktualmente e ta enkarga ku organisashon di aktividat pa e habitantenan. Durante di COVID el a yuda parti kuminda na Betesda.

Na museo Marítimo ela desplegá trabou boluntaio di 2001 te ku 2010.

E tabata kordiná e  ronleiding pa  skolnan i pa turistanan ku tabata bishitá e museo. Koningin Beatrix tambe a haña rondleiding serka dje durante su bishita.

Tambe Ludwig tabata beheerder di klup de Oleander di 2001 te ku 2009.

E tabata enkarga ku huiswerkbegeleiding i tambe aktividat despues di ora di skol.

Na Kas mi Abilidat e tabata boluntario di 2006 te ku 2016.

E tabata organisá diferente aktividat pa e muchanan ku deshabilidat físiko.

Na kompleho deportivo Cas Grandi for ana 2009 pa 2013 señor Ludwig tabata beheerder i tabata responsabel pa e parti logístiko i organisá aktividatnan deportivo.

___________________________________________________________________

Sr: Cedric Ridderplaat

Nase na Kòrsou 14 di Yüli 1944.

Sr. Cedric Ridderplaat ta un historiadó, edukadó, poeta, músiko, pintor, eskultor, eskritor, kompositor i areglista, i ku un bos inigualabel.

E artista multifasétiko akí a komponé su músika ku ta un elemento personal den tur género  di músika ku e komponé. Ta di remarká ku e ta enhalsá nos idioma Papiamentu ku su arte.

Kada piesa komponé pa Cedric, ta enrikesé nos Kultura stimulá nos pueblo pa ta eduká tur generashon tokante historia di Kòrsou.

E aporte di Cedric a hiba nos internashonalmente ku hopi komposishon den un kanto pa Kòrsou