Deporte
Komunikado di Dodgers: “Bauer no ta parti mas di nos organisashon”…
Los Angeles Dodgers den un komunikado a informá ayera ku e lansado Trevor Bauer no ta parti mas di nan organisashon. Manera ta konosí Trevor Bauer a haña suspenshon di 324 wega pa violashon i agreshon sexual di 3 diferente muhé.
E kastigu a wòrdu redusí na 194 wega.
Trevor Bauer a bira eligibel pa pitcha riba dia inougural, i Dodgers lo mester a pague mas ku $ 22.000.000 pa e kampaña benidero.
Dodgers sinembargo a haña hopi preshon di su fanatikonan i tambe gran mayoria di nan hungadónan no ta deseá di hunga mas ku Trevor Bauer.
Esei a pone Dodgers tuma e desishon ku nan ta designa e pitcher pa asignashon. Esei ta nifiká ku e lo por djòin kualke tim firmando pa $ 720.000 pa temporada e mínimo di Grandes Ligas.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
