E relevista di Yankees JONATHAN LOAISIGA a traha den bullpen na Tampa. Ultimo biaha ku el a tira den Grandes Ligas tabata dia 22 di mei…
JASSON DOMINGUEZ un dje mihó prospektonan di Yankees tabatin un tremendo luna di yüni, e CF dominikano a bati pa averahe di .394 den luna di yüni i subi su promedio na .259.

E ta di tres mihó prospekto di Yankees…
MIGUEL ANDUJAR ku tabata ku Yankees pa e double/header di djasabra no kier a komentá muchu riba su situashon.

El a bisa ku e ta deseá di kontrolá loke e por kontrolá.

El a rekonosé ku e ta stima hunga baseball i ta keda traha duru tur dia…..
Nan ta pensa ku New York Yankees lo trata di trese yudansa den outfield.

E peloteronan ku mas nan ta menshoná pa djòin Yankees ta: BRYAN REYNOLDS di Piratas, ANDREW BENINTENDI di Royals, ANTHONY SANTANDER di Orioles i IAN HAPP di Cubs…

Bryan Reynolds.

WILLEMSTAD (C) – E kampeonato latino intermediate a yega su final ora ku den e wega final e dos ekiponan di Kòrsou a enfrentá otro.
Ta trata aki di e selekshon di Pabou kontra di Pariba.
Tur dos selekshon ta un ku tin hopi talento i bon hungadó aden
Tabata net e dos selekshonnan aki ku ta mustra hopi superior riba e otronan manera Mexico , Aruba i Colombia.
Liga Pabou sigur di un forma invikto.

Den e wega kual nan dos a enfrentá otro e ekipo di Pabou a gana fásil 15-0 di Pariba.
Pa loke ta trata e weganan entre e selekshon di Mexico konta Aruba e muchanan di Mexico a sa di gana i keda na di tres luga.
Anto den wega final e selekshon di Korsou Pabou a gana den un wega ku Korsou Pabou sigur a sali brabu i a pika dilanti den e skor di 5-1 . Pero e selekshon di Korsou Pariba a pone mas emoshon den e wega ora ku nan a bin bek den wega i empatá esaki na 5 kareda
Pero e ekipo di Pabou ta sigi pone koredor na base i nan bateo ta sigi bati oportuno i nan ta sigi nota i a hasi e wega 11-5 i pa finalmente e wega kaba ku skor di 11-6.
Esaki ta pone ku e hóbennan di Korsou Pabou ta gana i bira kampion di un forma invikto .
Esaki ta pone ku nan ta bai representá latino amerikano den e mundial ku ta tuma luga den siman di promé pa 8 di ougùstùs próksimo.

Polis na Repúblika Dominikana a arestá un hòmber ku kier a hòrta $ 180.000 for di e kuenta di e eks Big Leaguer Edinson Volquez.
Volquez a hunga 15 temporada den baseball di Grandes Ligas.
E ladron kier a saka e sèn for di kuenta di banko di e eks Big Leaguer, pero e no a logra, ya ku a detektá su chanchuyo na tempu.