Connect with us

Lokal

Koalishon MFK/PNP a haña sota den Parlamento

Published

on

WILLEMSTAD. Ayera parlamento di Kòrsou a bolbe skirbi historia

This content is exclusive for members

Register or login to unlock this article


MFK te na final a insisti ku nan ta apoyá señora Janga komo minister pasobra ta esei e partido a palabrá kune.

MOSHON DI KOALISHON
Un man yen di kompañero di partido di MFK huntu ku algún Nashonalista a firma un boftá sin man den Parlamento di Korsou den e Reunion Publiko di ayera 25 di november despues di deliberashon ku Minister di Salubridat, Medio Ambiente i Naturalesa enkuanto e mandato di Minister di Salubridat señora Janga a manda pa ‘Vereffenaars’ di SBZV, pa para tur akshon di investigashon i embargo.

Konsiderando ku:

• E manera ku Minister di Salubridat Publiko a duna instrukshonnan inkorekto na e
‘vereffenaars’ di SBZV.
• Minister di Salubridat Publiko mester duna mas respet pa e outoridat di Parlamento di Korsou, i kolegialidat na su kolega Ministernan pa proseder di embergadura ku ta afekta nos funshonamentu komo pais.
• Prinsipionan demokratiko fundamental di nos trias politika a ser tachá ku e komportashon kaminda Minister di Salubridat Publiko a interveni aktivamente den un kaso hudisial andando.
• Tumando nota ku den un tempu hopi kritiko di nos pais, mester por keda salbaguardia na tur momentu e kondukta di bon gobernashon pa brinda perspektiva, bon ehempel, kredibilidat i oportunidat na Pueblo di Korsou pa e sigui desaroya i krese.

Ta disidi:
• Pa desaproba e aktitut i manera di atende ku Minister di Salubridat Publiko, Medio Ambiente i Naturalesa a uza pa e kaso di likidashon, embargo i investigashon riba SBZV.
• Pa rekomenda e Minister di Salubridat Publiko pa un revishon kompletu di su Gabinete i konseheronan.
• Pa sondea tur forma pa anula e efekto di e karta di 18 di november 2021
• Pa urgi Minister di Salubridat Publiko pa raporta na Parlamento di Korsou debidamente i na tempu riba kualke tomo di desishon ku tin efekto fundamental impakto riba nos pais.

Continue Reading

Lokal

Wowo di mundu ta dirigí riba Karnaval di Kòrsou

Published

on

By

WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.

KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.

Continue Reading

Lokal

Análisis di krímennan di impakto haltu

Published

on

By

WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.

Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.

Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.

Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).

Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).

Violensia relashonal
Kantidat: 15

Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.

Continue Reading

Lokal

JCI Dutch Caribbean a elegí i instalá su direktiva nobo

Published

on

By

WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.

Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.

Continue Reading

Daily Nobo

The input file /nas/content/live/noboprod/wp-content/uploads/2024/06/07170831/front7Yuni-gecomprimeerd.pdf is not a valid PDF document. The input file /nas/content/live/noboprod/wp-content/uploads/2024/06/07170831/front7Yuni-gecomprimeerd.pdf is not a valid PDF document.
Advertisement

Covid-19 Statistics

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

I'm already a member, take me to login