Henry Valgas Holguin

E kontesta kisas ta sorprendé bo, pasobra den Iglesia, pashon, morto i  resurekshon di Hesus ta un unidat den e Pasku di Resurekshon

Kuaresma ta un tempu den kua Iglesia katóliko ta prepará e Pasku di Resurekshon. E ta kuminsá riba Djarason di Shinishi i ta terminá riba Djaweps Santu ku e ora menor di e liturgia di oranan yamá Nona (tres or di atardi).

Ta e periodo di e 40 dianan promé ku Pasku di Resurekshon. E aña 2021 akí, Kuaresma a kuminsá riba djarason 17 di febrüari i ta selebrá Pasku di Resurekshon 4 di aprel.

E atardi di e djaweps di Siman Santu, ku e Misa di Sena di Señor, e aña akí ta kai riba 1 de aprel. Riba e dia akí ta kuminsá e Triduo Paskual, e kurason di e Aña Litúrgiko.

Triduo Paskual

E kustumber hudiu-kristian ta konsiderá inisio di dia for di bispu; ta pa e rason akí Bièrnè Santu ta kuminsá bispu di Djaweps Santu.

Den e misa di Sena di Señor, e djaweps, E ta antisipá su pashon, ta pesei den misa ta hasi e memorial d morto i resurekshon di Hesus.

“E Triduo Paskual di Pashon i di Resurekshon di Señor ta kuminsá ku e  Misa di atardi/anochi di Sena di Señor, tin su sentro den e Vigilia Paskual i ta kaba riba e atardi di djadumingu di Resurekshon” (Karta apostóliko Mysterii Paschalis, 19).

E palabra triduo ta surgi e idea di preparashon. Tin be nos ta prepará nos mes pa fiesta di un santu ku tres dia di orashon na su honor, òf nos ta pidi un grasia espesial mediante un triduo di plegaria di interseshon.

Pashon, morto i resurekshon uní den Pasku di Resurekshon

Kuaresma ta preparashon. I e triduo Paskual ta presentá su mes no komo un tempu di preparashon, sino komo un solo kos ku Pasku di Resurekshon.

E triduo ta un unidat: e ta abarká e totalidat di e misterio Paskual. E unidat di e triduo ta den Kristu mes: ora E ta referí na su pashon i morto, nunka El a distanshá nan di su resurekshon.

E Evangelio ta papia di nan den su konhunto:

« Nan lo konden’É na morto i entreg’É den man di pagano ku lo hasi bofon di djE, sut’É ku karbachi i krusifik’É, ma riba e di tres dia lo E lanta for di morto.’» (Mt 20, 17-20).

E unidat di e misterio Paskual tin algu importante pa siña nos: e ta bisa nos ku e doló no únikamente ta siguí pa goso, sino que ya lo contiene en sí mismo.

E triduo ta referí tambe na e tres dianan na kua Hesus a referí ora El a bisa:

« ‘Destruí e tèmpel akí i den tres dia Mi ta lant’é atrobe » (Hn 2,19).

E diferente fasenan di e misterio Paskual ta ekstendé a lo largu di e tres dianan manera den un pintura: kada un di e tres kuadronan ta ilustrá un parti di e mesun esena; huntu nan ta forma un tur. Kada kuadro ta riba su mes kompleto, pero mester ser mirá den relashon ku e otro dosnan.