Deporte
Kenneth Gijsbertha, máksimo dirigente Sta. Maria Pirates: “Lo no kita “Triple A” komo manager”…
Sr. Kenneth Gijsbertha máksimo dirigente dje organisashon di Sta. Maria Pirates a sigurá deporte 5 Star ku lo no tin kambio di manager di e tim Pirata.
“Ami a dirigí hopi aña, i semper ma haña sosten dimi direktiva.
Mi ta sostené Vernon Isabella komo dirigente dje klup.
Vernon ta hóben ainda, i naturalmente e por siña mas i kue mas eksperensia.
Lo no bai tin kambio di manager.
I “Triple A” lo keda na kabes di e klup, e máksimo dirigente a sigurá.
E la bisa hasta ku si kambia Vernon, ta pa pone un hende hóben na kabes, esei ta nifiká ku Gustavito lo sigui.
Miéntras mi ta ku Sta. Maria Pirates lo mi sostené esun na kabes.
I Vernon ta hóben ainda, i si kambia mes ta pa hasi e kabes mas hóben.
Por tin rumor, pero Vernon lo keda manager di Sta. Maria Pirates, Kenneth, “Kènènè” Gijsbertha a sigurá.
Kenneth Gijsbertha.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
