Connect with us

Sosial

Jurgen LaCruz ganadó apsoluto di CIBC FirstCaribbean Unsung Frontline Heroes pa Kòrsou

Published

on

1. Lysaira Ortela (Marketing Manager CIBC FirstCaribbean) ta otorga e e-chek na Jurgen Lacruz ku a keda galardoná komo CIBC FirstCaribbean Unsung Hero di Kòrsou.

Willemstad  – Nos Jurgen Lacruz, un enfermero registrá di 32 aña ku tabata atendé pashènt infektá ku COVID-19 den unidat intensivo na tantu Kòrsou i Sint Maarten, i ku despues e mes a keda afektá pa e vírus ta entre e ganadónan regional di CIBC FirstCaribbean su promé edishon pa rekonosé héroenan no rekonosé ku ta traha den promé liña esta, Unsung Frontline Heroes.

This content is exclusive for members

Register or login to unlock this article

Continue Reading

Sosial

Kor Maestronan Penshoná ta aktivá ku un tremendo enkuentro sosial

Published

on

By

Despues di tabata in-aktivo pa dos aña i mei, miembronan di Kor Maestronan Penshoná (KMP) a bini huntu atrobe, riba djadumingu 15 di mei último,durante un atardi sosial, mashá ameno. Tabatin momentu di sosialisashon, músika di e banda di kor, charla informativo, wega, kanto, un sukulento almuerso i bibida pa freska garganta, tur esaki den un hòfi koosi, Hòfi Casper na Sta. Rosa. Tabata reina un ambiente hopi amikal i tur presente a gosa sin fin di e aktividat, organisá pa e Komishon ku ta dirigí KMP. Tur kos a kana na ora i bon organisá.

E aktual dirigènt di kor, sr. Frank Francisca, a duna di konosé na miembronan ku pa motibu di salú e lo no por sigui dirigí KMP, loke ta nifiká un pèrdida sigur pa KMP. Sra. Grace Goede, maestra di seremonia fiel di KMP tambe tabata presente. Miembronan a duna di konosé di ke sigui ku kor i a tuma e desishon pa start di nobo ku ensayo pa nan konsierto di hubileo. Pa motibu di covid esaki a kai na awa na aña 2020. Ku poder di Dios esaki lo tuma lugá na fin di òktober i lo keda dediká na sr. Frank Francisca. Diferente miembro a duna di konosé ku nan lo kier a stòp pero ora nan a bini i a sinti kon dushi tabata e ambiente den hòfi Casper i spesial ora a kanta e kantikanan, e nostalgia a bira asina grandi, ku einan mes nan a disidí ku nan ta keda. Sin mas KMP a yena un bashí na Kòrsou i ta pa e motibu ei, tur integrante ta kontentu ku pronto nan lo por ta para riba tarima atrobe pa duna tur nos hendenan, spesial e grupo di 60 plùs un atardi agradabel. E rekuerdonan ku e kantikanan di KMP ta asina grandi ku hopi hende ta sòru di ta presente pa nan por disfrutá.

KMP ta pidi tur su fanátikonan ku konstantemente ta keda puntra ki dia tin konsierto atrobe, pa keda pendiente! Un konseho ta pa manera anunsiá ku karchi ta na benta pa reserva/ kumpra bo karchi ya ku eksperensia ta demostrá ku TUR karchi ta kaba den un frega di wowo.
E potrètnan ta duna un impreshon kon e atardi sosial a transkurí.

Continue Reading

Sosial

Art for the Roses mas lat e aña aki

Published

on

By

WILLEMSTAD – Despues di un silensio relativamente largu, loke ta debí na e pandemia di Covid-19, fundashon Ride for the Roses (Curaçao) ta laga tende di dje atrobe. Anke a programá e siguiente aktividatnan di Walk, Ride & Swim for the Roses te na yanüari 2023, durante e aña aki tòg direktiva ke hasi algu tambe pa rekoudá fondo. Pronto RFTR ta spera di por presentá e plannan pa sobrá di aña. Den esei ta inkluí en todo kaso pa mas den fin di aña pa organisá un “Art for the Roses” den koperashon estrecho ku Landhuis Bloemhof.
Ride for the Roses (RFTR) tin solamente un meta: rekoudá mas tantu fondo posibel pa yuda den e lucha kontra kanser. Ke men, e fondonan ta bai direktamente pa pashèntnan di kanser atraves di instansianan ku tin komo tarea pa kuida pashènt di kanser i/òf ta hasi investigashon riba tereno di kanser. Fondo Prinsesa Wilhelmina (PWF), ku pa añanan kaba ta tuma riba dje na diferente manera pa akohé i guia pashènt lokal di kanser i nan famia, ta un di e partnernan mas importante di fundashon Ride for the Roses. Direktiva di RFTR sa ku e por konta ku sosten di Orco Bank komo patrosinador prinsipal.
Riba un promé karta ku Landhuis Bloemhof a manda pa fula tera ken ke partisipá un grupo inisial di artista a reakshoná ku entusiasmo pa laga sa ku nan ke partisipá. Esei no tin nodi wanta otronan, ku no a haña un karta asina pero ku tambe ta interesá pa entregá un obra di nan pa e meta aki, pa mèldu esei na Landhuis Bloemhof van Santa Rosaweg. P’esei ta bai un yamada na tur artista di Kòrsou ku ke kontribuí na e bon kousa aki pa registrá na Landhuis Bloemhof via [email protected] bloemhof.cw pa partisipá.

Rosa inkluí
E enkargo na partisipantenan ta ku nan ta entregá un obra di arte kaminda di un manera òf otro a inkluí un rosa. Pa nan trabou e artistatan ku partisipá ta haña un kompensashon i un persentahe di e suma pa kua nan obra ta kambia di doño. Nos no por lubidá ku nan tambe a sufri hopi a konsekuensia di e restrikshonnan pa Covid. Nan obra lo haña amplio publisidat. No únikamente online i riba website, pero Bloemhof lo eksponé e obranan tres siman largu na òktober i novèmber durante un eksposishon di e grupo. Na final di esei maestronan ku ekspertisio lo perkurá pa nan bende pa bon plaka na e findishi. Finalmente e obra ta bai pa e doño ku a ofresé mas tantu plaka p’e, miéntras ku asina na mes momento ta hasi un kontribushon valioso na e bon kousa.

Den e periodo antisipando e eksposishon i e findishi Landhuis Bloemhof lo organisá diferente aktividat ku tambe lo ta den kuadro di Art for the Roses. Na su debido tempu lo informá mas detayá di nan.

Continue Reading

Sosial

Modelonan di “Mature Model Management” dia 5 di yüni riba pasarela

Published

on

By

Willemstad – Aktualmente tin dos grupo ta finalisando nan kurso di pasarela serka e agensia di moda “Mature Model Management”, ku ta tinnernan y modelonan madurá. E modelonan a risibí kurso di makiahe básiko i pilates serka Sherry Alberto; pasarela serka Ederlina Bridgewater, Diona Angela i Sherry Alberto; self-esteem serka Sharline Zimmerman; kombersashon i komportashon di un modelo serka Olinka Loran, posenan, stapnan, etiketa i hopi mas.
Despues di 3 luna di kurso, awor e modelonan ta kla pa bai subi esenario pa promé biaha. Esaki lo tuma lugá na Roosevelt Center Events dia 5 di Yuni 2022. Preis di entrada ta 25 florin I por haña esaki serka e modelonan i si sobra na porta. Mirando ku basta tempu no ta tin un show di moda, e espektativanan pa bini show ta grandi.
Modelonan partisipante ta Junailey Merenciana, Talitha Anthony, Sueley wawoe, Marilyn Martha, Dinah Urighre, Diana Martina, Christal Wilson, Tishayna Partiwidjodjo, Michelangela Kirindongo i Ramaika Keteldijk.
Jada van Dijk huntu ku Explotion Dancers lo sòru entretené tur presente huntu ku e bunita bos di Noemy Schmidt ku a kaba di lansa su kansion nobo.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login