Connect with us

Deporte

Juretty Weert-Poulo, Manager di SBC Souax: “Nos por hunga, pero lo pèrdè pa regla”…

Published

on

Juretty Weert-Poulo.

 

Deporte 5 Star a kombersá awe mainta ku Sra. Juretty Weert-Poulo, manager di e tim di Souax ku a bisa deporte 5 Star ku su tim lo por a sigui hunga den e final, pero si nan pone un tim riba tereno nan lo pèrdè pa regla.

“Nos no mag usa mas ku 4 hungadó bou di 20 aña pareu den un wega. Si nos hasi esei nos ta pèrdè e wega pa regla”, manager a splika.
E la mustra ku nan a haña nan mes den un skarsedat di hungadó debí ku nan a bai kampeonato ku 2 tim den doble A.

“No tabata den nos plan pa hunga ku 2 tim den doble A. Hasta a splika presidente di CSB ku nos lo ta hopi pèrta na hungadó .

E la súplika pa wak ku nos ta haña algun hungadó pa asina por ta mas kómodo. Nos a bai purba, pero na final e no a resultá”, e dirigente ta splika.
E la mustra tambe ku nan a trese refuerso for di Ulanda hustamente pa motibu di skarsedat di hungadó.

E konstante kambio di fecha di wega debí na áwaseru a pone ku kos a bai robes, e dirigente a splika. Vários hungadó a leshoná, otro ta traha, Souax no tin tereno.

E kos ta leu for di fásil, e la añadí.

Juretty a splika tambe ku tabata presidente di CSB Sr. Chu Martis ku a bini ku un proposishon pa kontinuá yanüari ku e final debí na e áwaseru.

No ta Souax a pidi reunion, ta CSB a konvoka reunion.

Nos a bisa ku djaweps nos lo por tei debí na otro kompromiso. Juretty bon kla a pone ku kambiamentu di fecha a brua e kosnan. “Mi mes mester a bai afó pa trabou, pero mester a kanselá esei i traha “on-line”. “Coach” Juretty a bisa ku Souax ta den e mes situashon ku aña pasá, Pichingolo a gana 2 wega, i nan a bira kampeon. “Simplemente nos no por mas. No por pone hungadó leshoná riba tereno, no ta respomsabel. Nos lo por sera e kantidat di hungadó riba tereno, pero nos lo pèrdè pa regla paso no lo tin mas ku 4 hungadó riba tereno ku tin ménos ku 20 aña di edat, e dirigente a aklará.

Continue Reading

Deporte

Giants A Firma Roberto Perez… …Catcher Venezolano..

Published

on

By

Roberto Perez.

E tim di San Francisco Giants a firma e catcher veterano Venezolano Roberto Perez.
Roberto Perez tin 34 aña di edat.
E la hunga 8 temporada ku e organisashon di Indians ku a bira Guardians.

Temporada pasá e la hunga apénas 69 wega, bati 2 homerun i empuhá 8 kareda.
Roberto Perez ta konosí pa su tremendo defensa tras di plato.

 

Continue Reading

Deporte

E ta ku Piratas: Andujar ta bai Triple A…

Published

on

By

Miguel Andujar.

E pelotero dominikano eks Yankee Miguel Andujar a asepta di baha pa triple A ku e organisashon di Piratas di Pittsburgh.
Piratas a firma Miguel Andujar pa $ 1.500.000 pa e temporada benidero, pero e pelotero a wòrdu kitá for di roster pa traha lugá pa otro pelotero riba e roster di 40.

Andujar no a opta pa bira agente liber, sino e la aseptá di bai triple A.
E lo ta ku e tim den Springtraining i lo trata na keda ariba.
Andujar a subi ku Yankees komo tersera/base, pero tambe e ta hunga leftfield, primera i bati komo designa.

 

Continue Reading

Deporte

Nottinham Forest a logra den pitu pa firma Keylor Navas

Published

on

By

Keylor Navas.

LONDRES (C) – E ekipo ingles Nottingham Forest a logra den pitu tòg pa firma un portero kual nan ta tin hopi mester di dje.

Nan a logra risibí Keylor Navas pa e restu di temporada for di Paris Saint Germain.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login