Deporte
Jong Holland i Scherpenheuvel ta empatá na 1 gol
WILLEMSTAD (C) – Ayera nochi ta tin kontinuashon di e partido di futbòl entre e dos ekiponan Jong Holland i e ekipo di Scherpenheuvel kual partido a bin resultá den un empate.
Den e promé tempu e ekipo di Scherpenheuvel ta pika dilanti den markadó ora ku na di 37 minüt e hungadó Na-Jir Peny ta nota e gol .
E partido a bai sosegá ku skor na fabor di e ekipo di Scherpenheuvel.
Den di dos tempu ámbos ekipo ta risibí oportunidatnan pa skor gol pero e punteria ta laga di deseá.
Ta na di 81 minüt ora ku Shardison Clarissa nota e gol di empate pa e trikolornan di Jong Holland
Pues ámbos ekipo ta bai kas ku un punto i ta mantené na posishon.
Akshon di wega.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
