Deporte
Jong Holland a risibí un goliadó i a keda eliminá
Willemstad (C) – Ayera a tuma lugá e partido entre nos representante ku ta Jong Holland kende a Sali gana na na promé wega I ayera nan a enfrentá e ekipo di Jamaica Arnett Gardens
E ekipo aki sigur a resultá demasiado superior riba nos ekipo lokal Jong Holland. Pero esaki no ta por otro tambe. Nos futbòl ta para i ekiponan ratu ratu ta train I no ta tur hungadó ta den e kondishon perfekto I e ritmo di wega. Pues tur esakinan ta pone ku ora bo hunga ku un ekipo ku ta hunga fuerte riba sumes kaba, bo no por gana ni un solo bataya kontra di dje. Ta esaki a pasa tambe ayera. E ekipo di Jamaica a Sali I for di trempan a pika dilanti I kue un delantero di 3-0.
Despues Jong Holland pa medio di e hungadó Roosje ta nota un gol . Pero den di dos tempu ey mes ekipo Arnett Gardens a kuminsá atrobe I nan ta nota 4 gol mas pa hasi e wega 7-1. E skor sigur lo tabata pió . Jong Holland asina aki tambe ta keda eliminá
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
