Lokal
Investigashon transparente riba kalidat di gasolin !
WILLEMSTAD-Minister di Desaroyo Ekonomiko, Ruisandro Cijntje a reaktivá e komishon ku a lanta na 2019 pa investigá kalidat di gasolin.
Ultimo tempu por tende regularmente komentario riba e kalidat di gasolin.
Tambe ta boga pa kondusi un investigashon riba e kalidat di kombustibel.
Minister Cijntje a splika na TV13 ku despues ku a lanta e komishon na 2019, práktikamente nada no a tuma luga pa investigá e kalidat di gasolin.
Entretantu minister Cijntje a reuni ku e komishon i ela pone tambe fondonan disponibel pa e komishon hasi su trabou.
E reunion dje komishon ku minister di Desaroyo Ekomiko a konkluí ku formulashon di un liòa di tempu, pa determina kon kon e proseso ta kana pa garantisa ku riba termino kòrtiku por garantisa ku pueblo por dispone di un kombustibel di mihó kalidat.
E mandato ku e komishon a haòa serka e minister Cijntje, ta pa ademas di investigá na un manera transparente e kalidat di kombustil, determina e kriterianan ku e gasolin mester kumpli kune.
Ademas mester involvi tur esnan den e komishon tur sektor ku tin di haber ku e topiko aki, den e investigashon.
E minister mes lo vigilá desaroyo dje investigashon aki di aserka, asina ela bisa.
CURIOL
Den un partisipashon ku Curiol a hasi for di dos aòa pasá kaba, e kompania a partisipa ku Curoil ta pará habrí pa un partido independiente hasi evaluashon di e kalidat di e produktonan ku e kompania ta distribuí riba merkado lokal.
Den bista di diferente alegashonnan relatá na kalidat di gasolin, Curoil a laga hasi tèstnan adishonal na laboratorionan internashonal di e gasolin ku tin aktualmente riba merkado. Segun Curoil e resultadonan risibí, ta verifiká ku e produkto ta kuadra ku e spesifikashonnan stipulá pa gobièrnu di Kòrsou. Mirando e inkietut ku ta reina den nos komunidat tokante e kalidat di gasolin, resientemente Curoil a indiká na gobièrnu di Kòrsou ku e kompania ta pará habrí pa laga un partido independiente hasi evaluashonnan adishonal di e produktonan ku Curoil ta distribuí, pa di e forma aki kita e inkietut ku ta reina den nos komunidat.
Curoil a indika ku e ta mantené su mes na e normanan di kalidat stipulá pa gobièrnu di Kòrsou, ora ku e ta importa kombustibel. Pa loke ta trata gasolin, 14 tèst ta keda regulá pa medio di un mínimo/máksimo di balor permití pa keda tèst.
Curoil na su turno, ku mira riba desaroyonan riba merkado, a añadí 4 tèst adishonal.
Pues, en total 18 tèst ta keda hasí ku kada batch di gasolin ku keda importá.
Den e proseso, for di kompra te ku entrega di produkto na pòmpnan di gasolin, tin 3 diferente momento klave ku e gasolin ta keda di tèst pa laboratorionan independiente, ku ta kontrolá si e kalidat di e produkto ta kuadra ku e spesifikashonnan vigente.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
