Connect with us

International

Inglatera lo bai oudita yudansa militar ku nan a entrega Ukrania

Published

on

Rishi Sunak i Vladimir Zelensky.

LONDRES – Rishi Sunak promé Minister di Inglatera a ordená pa realisá un ouditoria di e yudansa militar ku nan a yuda Ukrania kuné for di momentu di e konflikto ku Rusia.
E motibu dikon promé minister Rishi Sunak a pidi pa un ouditoria ta debí ku presidente Vladimir Zelensky di Ukrania ta pidiendo Inglatera pa manda mas armamentu.
Vladimir Zelensky tabatin vários reunion ku Rishi Sunak via video conference riba e tema i naturalmente despues di e ouditoria lo bai fiha posishon ta kuantu plaka mas por sigi yuda Ukrania ku armamentunan di gera.
Mester bisa ku Merka i Inglatera ta e prinsipal proveedornan di arma pa Ukrania.
Rishi Sunak a indika ku te kuné momentunan aki Inglatera a yuda Ukrania ku armamentunan di gera
balorá na 3.000 mion Pound Sterling.
Lokual ku Rishi Sunak ta para firme riba dje ta ku Parlamento Britániko tin un presupuesto pa yuda Ukrania kuné i tin ku wak si esaki por yuda ku algu.
E siman aki den un reunion di Parlamento lo bai wak si por yuda Vladimir Zelensky i ta pidi pa evaluá debidamente despues di reunion den Parlamento.
Pa lokual ta e Republikanonan na Merka tambe a presentá un resolushon pa oudita yudansa militar di atministrashon di Biden.

 

Continue Reading

International

Hamas a konfirmá ku nan lider a keda asesiná pa un misil na Iran

Published

on

By

Ismail Haniya

TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.

Continue Reading

International

Antony Blinken a afirmá ku Merka no ta impliká den asesinato di Ismail Haniyeh

Published

on

By

Antony Blinken sekretario di Estado merikano.

WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.

Continue Reading

International

Maduro ta vinkulá: Lider di Tren de Aragua responsabel den e protesta kontra resultado ofisial elektoral

Published

on

By

Héctor Guerrero Flores -alias ‘Niño Guerrero’

CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

I'm already a member, take me to login