Deporte
Informe i resultado di GL: Chris Sale ta bek awe pa Red Sox… Scherzer ku Triunfo Ayera…
MIKE SCHERZER a tira 7 inning, permití 3 hit, pa yuda e tim di Mets gana di Bravos di Atlanta ku skor di 4-1. E kareda di Atlanta tabata un homerun di Austin Riley.
Edwin Nuñez a poncha tur 3 batido ku e la topa den di 9 inning pa salba e wega. Max Fried a perde, 9-3, e la duna 2 kareda i 5 hit den 5 inning….
ROBINSON CANO a habri na segunda pa Bravos di Atlanta ayera, e la bati 2 hit den su regreso den Grandes Ligas….
JACOB DE GROM lo habri den triple A pa e tim di Mets, si tur kos ta bon e lo bini despues di All Star Game….
Rays ta informá ku tantu: WANDER FRANCO, komo KEVIN KIERMAIER lo ta afó pa algun tempu. Wander Franco a operá su pòls, i lo pèrdè 5 pa 6 siman, miéntras ku Kevin Kiermaier tin inflamashon na su hep….
E ta afó pa tempu indefiní…
CHRIS SALE ta bek ku e tim di Red Sox. Segun informashon e tim di Red Sox lo habri awe ku Chris Sale vs Rays ku tin COREY KLUBER riba montikulo…
Tambe Red Sox a informá ku RAFAEL DEVERS lo ta bek den aliniashon awe, e tin averahe di .327 ku 19 homerun i 51 kareda empuhá…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
