Deporte
Informe Grandes Ligas: Blake Treinen afó pa basta dia pa Dodgers… Margot i Tellez Hungadó Di Siman…
• JUSTIN VERLANDER ta habri den e wega di awe kontra di Twins, Verlander tin rekòrt di 3-1, ku efektividat di 1.93. E lo pitcha vs Twins ku lo manda JOE RYAN riba montikulo, Ryan tin rekòrt di 3-1, ku efektividat di 1.63. Tur dos tim tin rekòrt di 18-11…
• LUIS SEVERINO lo habri pa e tim di Yankees awe vs Blue Jays, Severino ta tira despues di 8 dia, e tin rekòrt di 2-0, ku efektividat di 3.75. E lo pitcha vs YUSEI KIKUCHI ku tin rekòrt di 1-1, i efektividat di 4.35…
• Yankees a gana 13 di último 15 wega, i nan tin rekòrt di 20 ganá i 8 pèrdí….
• MANNY MACHADO ta den gran temporada ofensivo.
E estrea dominikano tin averahe di .381, 26 kareda anotá, 21 kareda empuhá, 43 hit i 7 homerun konektá….
• MANUEL MARGOT di Rays a keda skohe komo pelotero di siman den Liga Amerikana, e la empuhá 12 kareda, i bati pa averahe di .500 ku 12 kareda anota….
• Den Liga Nashonal e skohensia a bai pa e 1B di Brewers ku ta ROWDY TELLEZ ku a bati pa averahe di .321 ku 3 homerun i 12 kareda empuhá…
• Chicago White Sox a aktivá YOAN MONCADA, infielder, i tambe e pitcher relevista JOE KELLY….
• E manager di New York Yankees Aaron Boone a deklará ku DOMINGO GERMAN di 29 aña ta rekuperando poko poko, pero sigur, temporada pasá den 98.1 di inning su efektividat tabata di 4.58….
• Dodgers a informá ku e relevista di nan, BLAKE TREINEN lo ta afó te banda di All Star Game. Treinen tin inflamashon na su skouder di pitcha…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
