Deporte
Informe di Grandes Ligas: No tin fecha pa regreso di De Grom… Detmers i Harper hungadó di siman…
• REID DETMERS ku ta pitcher di 22 aña di Angels ku a tira un “no hit no run” a keda skohe komo pelotero di siman den Liga Amerikana..
• Den Liga Nashonal e skohensia pa loke ta pelotero di siman a bai pa Bryce Harper di Filis di Filadelfia. Harper a bati 14 hit den 23 turno na bate, ku 3 homerun i 3 kareda empuhá…
• Segun e hendenan di Mets ta informá no tin fecha ainda pa regreso di e lansado estrea ku ta JACOB DE GROM.
Nan ta bisa ku tin mehoransa, pero ku ainda no tin fecha, de Grom su rekòrt di por bisa ta di 77-53, ku efektividat di 2.50 den 198 apertura…
• Astros di Houston a atkerí e outfielder MAURICIO DUBON ku ta un Hondureño for di San Francisco Giants.
Den 21 wega el a bati pa averahe di .239 ku 2 homerun i 8 kareda empuhá.
Astros a manda pa Giants e catcher Michael Papierski…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
