Lokal
Hustisia a konfiská un fortuna di trafikante di droga Antiano

WILLEMSTAD. Ayera un tribunal ulandes a kondená un Antiano na 13 luna di kastigu di prizon despues ku nan a sigi su pasonan, tap su telefon, i konkta kuantu biaha ela transporta droga entre Kòrsou, Ulanda i Belgika.
This content is exclusive for members
Register or login to unlock this article
Lokal
Plataforma Banda Ariba a konmemorá Mando Davelaar

WILLEMSTAD – Plataforma Banda Ariba ayera a rekordá 5 aña di fayesimentu Hermando Luis Davelaar, mihó konosí komo Mando Davelaar. Elvin Gerard, di Plataforma Banda Ariba a bisa ku for di lantamentu di e Plataforma, 25 aña pasá, Mando Davelaar tabata konsehero dje Plataforma. E tempu ei Mando Davelaar tabata tambe bosero di Kuerpo Polisial. Gerard: “Pero asina ku un feneta kai den Banda Ariba, Mando Davelaar q.e.p.d. tabata kla pa konhuntamente ku direktiva di Plataforma Banda Ariba, solushoná e problemanan”.
Mando Davelaar tabata hopi pendiente pa tur loke ku tabata pasa na Banda Ariba i asina tin ku tin un aktividat ku ta kontra di Banda Ariba, semper e tabata Sali na vanguardia dje komunidat. Asina Elvin Gerard a sigi bisa.
Gerard ta rekorda entre otro ora ku 20 aña pasá kier a kwe a playa di Caracasbaai pa pasé pa un eks minister na Sint Maarten, Mando Davelaar a lucha fuerte pa evita ku Banda Ariba ta pèrde su playa.
Plataforma Banda ku Mando Davelaar komo konsehero a logra hopi, pasobra e mandatarionan regularmente tabata haña bishita dje miembronan dje organisashon, ora ku situashonnan ta rekeri esaki. Plataforma Banda Ariba a pone un krans na graf di defuntu Mando Davelaar na Santana di Montaña Mando Davelaar i anochi tabatin un sakrifisio di misa pa deskanso di alma di e defuntu.
Lokal
Retiro definitivo pa ‘toko den toko’ di `pseudo’ trahadó di Kas di Bario SOAW

Willemstad. Un kaso laboral ku karakter di toko den toko hinkando hende di edat den kas di kuido sin informá su superiornan.
E señora amtenar veterano tabata disponé di informashon ken ta buskando lugá den kas di kuido pa nan famia i a pasa e informashon aki pa un amiga ku tabata bai lanta un kas di retiro asina.
Na final tur kos a kaba na aros di koko pasobra banko no a duna e amiga fiansa i Ulanda no a manda e plaka priminti i asina e plan a frakasá den tòm.
Pero e señora ku a intermedia a pèrdè su trabou i tur su añanan i servisio tambe.
Komo amtenar ela faya ku regla di integridat, konfiabilidat i responsabilidat.
For di 2019 gobiernu a pone e amtenar riba non-aktif komo Adviseur Consulent-A na kas di bario Santa Maria.
Na 2018 hefe dje señora a hole chanchuyo i a laga investiga.
Nan a haña denunsia ku fuera di su trabou normal e tabata buska kliente pe kas di kuido privá Elderly Eden.
Sperando e informe final a pone e señora riba non-aktif na maart di 2019 i ela apela naturalmente.
Siguiente paso tabata duna e señor retiro pasobra ela hasi mal uso di informashon di Kas di Bario pa manda kliente di SOAW den Elderly Eden.
Ela ofresé e famianan lugá den Elderly Eden i e klientenan a kere ku tabata un kas supsidiá pa gobiernu.
Esei tabata un fayo profeshonal masha serio.
E señora a gana e kaso den promé instansia pasobra gobiernu su abogadonan a faya di produsi dokumento relevante pa proba e kaso i korte ta husga kaso riba informashon konkreto.
Pa korehi nan eror, gobiernu a bai den apelashon i a bai ku testigu e biaha aki pasobra sin konvikshon ku dokumento korte no por kondena e señora maske e prueba ta palpabel pero no konkreto.
KUENTA DI HADA
Loke a bin dilanti den apelashon parse un kuenta di hada.
E biaha aki Korte di Hustisia a tende e vershon ku ta un bon amiga dje amtenar a bin ku e plan pa lanta Elderly Eden i ela ofresé di yuda su amiga.
Sakando nomber di kandidatonan ku tabata buska lugá pa keda ela saka nomber for di kompiuter di Kas di Bario ilegalmente i presentando komo trahadó sosial ela organisa un Open Dag dia 2 di september 2018 i a gancha tres kliente.
Pero e tres klientenan mes mester a paga tur gastu siendo ku si ta Kas di Bario a manda nan, nan no mester a paga nada.
E lugá a keda habrí nèt 20 dia.
Resultado tabata ku Kas di Bario mester a buska lugá otro kaminda pa e tres klientenan.
Ta ora un ruman di e tres klientenan a duna testimonio kiko a pasa i prueba ku ela paga e kas di ansiano fantasmagoriko a basha den otro.
Loke e amtenar a hasi no tin pordon i uniko alternativa tabata pa duné retiro permanente.
E daño ku e señora a hasi den imahen di Sociale Zaken ta muchu profundo i Korte a korehi loke wes den promé instansia a keda di hasi i a konfirma retiro dje señora.
Lokal
Temor pa Monkeypox no mester kita focus riba Covid-19

WILLEMSTAD – E temor ku aki i aya ta surgi den komunidat relashoná ku posibel di Monkeypox, no mester kita e focus riba kombatimentu di Covid-19. Asina dòkter Ashley Duits a bisa NOBO awe mainta. Ofisialmente gobièrnu mes a partisipá ku no tin motibu pa pániko i ku e ta bezig ta vigilá e desaroyonan internashonal di aserka.
No opstante e partisipashon aki, a surgi rumornan awe mainta di un posibel kaso di Monkeypox na Kòrsou.
Den kombersashon ku NOBO, dokter Duits a rechasá kategorikamente ku tin e males a yega Kòrsou. Duits a splika: ‘’Aktualmente na Merka tin mas o menos 4 kaso i na Hulanda a registrá 6 kaso te ainda’’. E informashon aki no ta motibu pa na Kòrsou, nos drenta hansha. Ademas, asina Duits a sigi bisa, Monkeypox ta plama hopi ekstremadamente rápido. ‘’No drenta pániko pero keda alerta’.
COVID-19
Loke ku sí ta eksigi mas atenshon ta e desaroyonan internashonal di Covid-19, kaminda ku a surgi algun variante nobo. Dokter Ashley Duits a menshon entre otro e variantenan B.A2. Na Portugal por ehempel tin37 porshento di kaso di hendenan infektá ta drenta hospital.
Esaki ta ilustra e importansia pa keda alerta i bakuna. Duits ta satisfecho pe hecho ku hendenan ta keda pasa nan ripitishon di bakuna i ku e bishita na kasnan di Kuido ta bai hopi bon. Ta trata dje trayekto pa bai tuma e bakuna.
Mientrastantu e sifra di mortalidat serka nos tambe ta stabil, loke ta un punto positivo, dokter Duits, ta remarká.
-
Lokal1 day ago
Shantienne, di dos ruman Frans asesiná na Rotterdam….
-
Lokal4 days ago
Desaroyadónan di proyekto no por saka habitantenan foi nan kas !
-
Lokal6 days ago
Aquiles Marcelo Jansen ta bira otro morto den tráfiko
-
Deporte3 days ago
E ta trahando riba un lugá den Ajax: Hopi Elogio pa Mohamed Ihattaren… Den e wega di Ayera Nochi…
-
Lokal4 days ago
Hulanda di akuerdo pa para rekorte di salarial di 12,5%
-
International5 days ago
Vladimir Putin a ordená pa: Ekspulsá diplomátikonan di Spaña, Fransia i Italia for di Mosku
-
Deporte5 days ago
No a keda kontentu e forma di komuniká ku presidente di FFK: FFK a “Fire” Bertus Holkema….
-
International4 days ago
Joe Biden a yega Sur Korea den su promé biahe pa Asia komo presidente di Merka