Deporte
Hopi kos di drecha: Kòrsou ta bolbe pèrdè kontra di Indonesia
YAKARTA (C) – Nos selekshon di futbòl Kòrsou a bolbe sufri otro derota I e bia aki kontra di un rival ku no ta masha kos.
Pero e selekshon di nos tin hopi kos di drecha. No ta nada fásil pa nos. Ayera den apénas 3 minüt nos ta kai atras. Anto ta nèt kaminda nos punto debil ta pues nos defensa.
Nos hungadónan den defensa no ta den e mihó kondishon . Den e parti di ofensiva nos a krea algun oportunidat ayera pero no ku e suerte pa por a nota. Den di dos tempu nos ta logra empatá e wega na un gol .Ayera tambe nos a tuma nota kon na di 80 e hungadó Juninho Bacuna ta risibí un karchi kora I a pone ku nos mester a hunga ku 10 hungadó. Esaki mes a debilitá nos wega I a pone ku na di 87 Indonesia ta nota e gol di viktoria pa nan.Otro derota pa nos selekshon kual nos ningun lo por a spera mirando e rival ku no ta masha kos.
Nos selekshon si no ta e selekshon ku nos a yega di konosé. E falta algu I keremi mester bin algun kambio den esaki
Paso si sigi asina ta plaka benta afo I ningun bon hungadó no ta bin hunga pa nos. Alkontrali nos lo por pèrdè esnan ku ta bon I ku no ke bin sigi pèrdè tempu.
Importante pa wak kiko lo bai pasa ku nos selekshon .
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
