Deporte
Hensley Meulens, manager di “The Kingdom Team”: “Ta un sla ku Kòrsou no ta hunga”… Nos ta respetá si !!

Deporte 5 Star a kombersá ku Hensley Meulens YDK ku ta manager di “The Kingdom Team”.
Meulens a rekonosé ku nan ta konsiderá ku Kòrsou no ta hunga un wega kontra di nan, pero ku nan ta respetá.
“Ta un sla ku Kòrsou no ta hunga kontra di nos, pero nos ta respetá”, Meulens a deklará.
E la splika ku dirigentenan di baseball ulandes ta purba di tin un bon relashon ku esnan di Kòrsou.
Si e la bisa ku e desishon di Kòrsou pa no hunga no ta stroba nan di hasi loke ku nan a bini pa hasi.
Manera ta konosí Aruba a bini Kòrsou pa hunga vs “The Kingdom Team”, pero Kòrsou mes no ta hunga.
E motibu ta ku ta hungando un final.
Apesar di esei Sta. Maria Pirates a opta pa hunga reforsá kontra dje selekshon di reino.
Lo tin mas ku 50 pelotero na disposishon dje staf tékniko di “The Kingdom Team” ku lo train i traha riba “Team-Building” preparando pa “World Baseball Classic” na mart.
Promé ku esei e representashon di Reino lo ta na Tampa pa un trainingscamp.
Ounke niun hende no ke duna boka, tin indikashon ku dirigente di baseball di Kòrsou lo ke sèn i tambe haña puntuashon riba ranking di baseball mundial pa por hunga vs “The Kingdom Team”.
Deporte
Giants A Firma Roberto Perez… …Catcher Venezolano..

E tim di San Francisco Giants a firma e catcher veterano Venezolano Roberto Perez.
Roberto Perez tin 34 aña di edat.
E la hunga 8 temporada ku e organisashon di Indians ku a bira Guardians.
Temporada pasá e la hunga apénas 69 wega, bati 2 homerun i empuhá 8 kareda.
Roberto Perez ta konosí pa su tremendo defensa tras di plato.
Deporte
E ta ku Piratas: Andujar ta bai Triple A…

E pelotero dominikano eks Yankee Miguel Andujar a asepta di baha pa triple A ku e organisashon di Piratas di Pittsburgh.
Piratas a firma Miguel Andujar pa $ 1.500.000 pa e temporada benidero, pero e pelotero a wòrdu kitá for di roster pa traha lugá pa otro pelotero riba e roster di 40.
Andujar no a opta pa bira agente liber, sino e la aseptá di bai triple A.
E lo ta ku e tim den Springtraining i lo trata na keda ariba.
Andujar a subi ku Yankees komo tersera/base, pero tambe e ta hunga leftfield, primera i bati komo designa.
Deporte
Nottinham Forest a logra den pitu pa firma Keylor Navas

LONDRES (C) – E ekipo ingles Nottingham Forest a logra den pitu tòg pa firma un portero kual nan ta tin hopi mester di dje.
Nan a logra risibí Keylor Navas pa e restu di temporada for di Paris Saint Germain.
-
Lokal7 days ago
LABdeMED a tene simposio: Tema kompliká pero masha importante pa trata i evitá malesanan vaginal
-
Lokal6 days ago
Investigashon riba broyo di 100.000.000 Euro!!
-
Lokal6 days ago
Korte di Hustisia a ordená: Investigashon riba broyo di 100.000.000 Euro!!
-
Lokal6 days ago
Lidewijde Ongering ta presidente nobo di e Kolegionan di supervishon finansiero
-
Lokal6 days ago
Quincy Girigorie ta alertá OJO!: MFK ta monta show pa tapa kos grandi i mahos!
-
Lokal6 days ago
JetBlue ku oumento di buelo pa Kòrsou for di New York
-
Lokal7 days ago
Ken dje 244 interesadonan ta bin na remarke pa bira doño di tereno na Gato
-
Lokal7 days ago
Kòrsou tin kabuya di horka di Naf. 900 mion